Chandrababu: ఆంధ్రప్రదేశ్ నుంచి బర్డ్ ఫ్లూను పూర్తిగా నిర్మూలించాలని ముఖ్యమంత్రి నారా చంద్రబాబు నాయుడు ఆరోగ్య అధికారులను కోరారు.
శుక్రవారం సచివాలయంలో బర్డ్ ఫ్లూపై ఐదుగురు సభ్యుల కేంద్ర బృందం రాష్ట్ర అధికారులతో నిర్వహించిన సమీక్షలో ఆయన మాట్లాడుతూ, అన్ని ఆరోగ్య కేంద్రాలలో యాంటీవైరల్ మందులు అందుబాటులో ఉంచండి అని అన్నారు.
రెండేళ్ల బాలిక మరణానికి బర్డ్ ఫ్లూ, ఇతర ఆరోగ్య సమస్యలే కారణమని కేంద్ర బృందం ముఖ్యమంత్రికి తెలియజేసింది. పల్నాడు జిల్లాలోని నరసరావుపేటలోని బాలయ్య నగర్‌లోని బాలిక నివాసాన్ని వారు సందర్శించారు.
ఇది కూడా చదవండి: Viral News: భార్యను ప్రియుడికిచ్చి పెళ్లి చేసిన భర్త.. తర్వాత ఏం చేశాడో తెలుసా
బాలిక నుండి సేకరించిన నమూనాలలో H5N1 పాజిటివ్ అని తేలినప్పటికీ, ఆమె మరణానికి మరికొన్ని కారణాలు కూడా ఉన్నాయని వారు తెలిపారు.
ఆ బాలికకు సరైన రోగనిరోధక శక్తి లేకపోవడంతో పచ్చి కోడి మాంసం ముక్క తిని లెప్టోస్పిరోసిస్ వచ్చింది. పారిశుధ్యం సరిగా లేకపోవడం వల్లే ఆమె మృతి చెందింది. ప్రస్తుతం ఆ ప్రాంతంలోని ప్రజల్లో బర్డ్ ఫ్లూ లక్షణాలు ఏవీ కనిపించలేదు. ఎనిమిది బృందాల ఆరోగ్య సిబ్బందితో కూడిన సర్వే నిర్వహించాం. ఎటువంటి భయాందోళనలకు కారణం లేదు అని వారు తెలిపారు.