CM Chandrababu: ఏపీ సీఎం చంద్రబాబు నాయుడు మంగళగిరిలో పేదరిక నిర్మూలనకు ఉద్దేశించిన పీ-4 (పబ్లిక్, ప్రైవేట్, పీపుల్స్, పార్టనర్షిప్) కార్యక్రమాన్ని ప్రారంభించారు. రాష్ట్రంలో పేదరికాన్ని పూర్తిగా నిర్మూలించి, ప్రజల జీవితాల్లో ఆర్థిక వృద్ధిని తీసుకురావడం ఈ కార్యక్రమం ప్రధాన లక్ష్యమన్నారు సీఎం. ఈ పథకంలో భాగం కావడానికి సుమారు 1.40 లక్షల మంది పారిశ్రామికవేత్తలు, ప్రవాసాంధ్రులు మార్గదర్శులుగా ముందుకు వచ్చారు.
సమాజంలో ఉన్నత స్థానంలో ఉన్న 10 శాతం మంది ధనికులు, ఆర్థికంగా వెనుకబడిన 20 శాతం మంది పేదలకు సహాయం చేసేలా ఈ కార్యక్రమాన్ని రూపొందించారు. ఈ కార్యక్రమం మార్చి 30, 2025న ముఖ్యమంత్రి చంద్రబాబు, ఉప ముఖ్యమంత్రి పవన్ కళ్యాణ్ చేతుల మీదుగా లాంఛనంగా ప్రారంభించగా ఇప్పటి వరకు బంగారు కుటుంబాలు, మార్గదర్శుల ఎంపిక ప్రక్రియను ప్రభుత్వం చేపట్టింది. పీ-4 అంటే పబ్లిక్, ప్రైవేట్, పీపుల్స్, పార్టనర్ షిప్. ఈ విధానంలో ప్రభుత్వం కేవలం ఒక వేదికగా ఉండి, దాతలు నేరుగా పేద కుటుంబాలకు సహాయం అందిస్తారు.
ఇది కూడా చదవండి: BJP MP: రేప్ చేసి హత్య చేస్తా.. ఎంపీకి బెదిరింపులు.. స్పందించిన మహీంద్రా గ్రూప్ కంపెనీ
పీ-4లో దాదాపు 13 లక్షల బంగారు కుటుంబాలను గుర్తించారు. మార్గదర్శులుగా 1.40 లక్షల మంది పారిశ్రామిక వేత్తలు, ప్రవాసాంధ్రులు ముందుకొచ్చారు.ఈ కార్యక్రమం అమలు కోసం జిల్లా, నియోజకవర్గ స్థాయిలో ప్రత్యేక కమిటీలను ఏర్పాటు చేశారు. ఈ పథకంలో ప్రభుత్వం ఆర్థిక లావాదేవీలలో నేరుగా పాలుపంచుకోదు. దాతలు (మార్గదర్శులు), పేదల (బంగారు కుటుంబాలు) మధ్య ఒక వేదికను మాత్రమే కల్పిస్తుంది.
2029 నాటికి ఆంధ్రప్రదేశ్ ను పేదరికం లేని రాష్ట్రంగా మార్చడమే ఈ పథకం ప్రధాన లక్ష్యం. లబ్ధిదారుల వివరాలను సేకరించి, వారి అవసరాలను గుర్తించడానికి ఆర్టిఫిషియల్ ఇంటెలిజెన్స్ (AI) వంటి ఆధునిక సాంకేతికతను ఉపయోగిస్తున్నారు.ఈ పీ-4 కార్యక్రమం ద్వారా సామాజిక, ఆర్థిక సాధికారతను సాధించవచ్చని, ఇది దేశానికే ఒక ఆదర్శంగా నిలుస్తుందని చంద్రబాబు నాయుడు ఆశాభావం వ్యక్తం చేశారు.
పీ4 అమలు కార్యక్రమాన్ని ప్రారంభించిన సీఎం చంద్రబాబు.
బంగారు కుటుంబాలు.మార్గదర్శులతో సీఎం చంద్రబాబు ముఖాముఖి.
ఉగాది రోజు కార్యక్రమాన్ని లాంఛనంగా ప్రారంభించిన సీఎం. ఇప్పటివరకు బంగారు కుటుంబాలు, మార్గదర్శుల ఎంపిక ప్రక్రియ చేపట్టిన ప్రభుత్వం.
పీ-4లో దాదాపు 13 లక్షల బంగారు… pic.twitter.com/OobreXWbSr
— s5news (@s5newsoffical) August 19, 2025