Chandrababu Naidu: ఆంధ్రప్రదేశ్ ముఖ్యమంత్రి నారా చంద్రబాబు నాయుడు గారు రేపు (అక్టోబర్ 16) రాష్ట్రంలో ప్రధాని నరేంద్ర మోడీ పర్యటనపై ముఖ్యమైన టెలికాన్ఫరెన్స్ నిర్వహించారు. ఈ సందర్భంగా ఆయన మంత్రులు, నంద్యాల, కర్నూలు జిల్లాలకు చెందిన కూటమి ఎంపీలు, ఎమ్మెల్యేలు, ఎమ్మెల్సీలు, ఇతర ముఖ్య నేతలతో మాట్లాడారు.
ప్రధాని పర్యటన: శ్రీశైలం, కర్నూలులో గ్రాండ్ సక్సెస్ చేయాలి
ముఖ్యమంత్రి చంద్రబాబు నాయుడు గారు రేపు ప్రధాని మోడీ చేపట్టనున్న శ్రీశైలం, కర్నూలు పర్యటనలను గ్రాండ్ సక్సెస్ చేయాలని నేతలకు పిలుపునిచ్చారు. రాష్ట్రంలో డబుల్ ఇంజిన్ సర్కార్ విధానాల వల్ల అనేక ప్రయోజనాలు కలుగుతున్నాయని ఆయన తెలిపారు. కేంద్ర ప్రభుత్వం సహకారంతో అనేక పాలసీలు, సంక్షేమ కార్యక్రమాల ద్వారా రాష్ట్రానికి పెద్ద ఎత్తున లాభం చేకూరుతోందని వివరించారు.
ఏపీకి గూగుల్ ఏఐ డేటా హబ్: రూ.15 బిలియన్ డాలర్ల పెట్టుబడి!
Also Read: Guntur: గుంటూరు రైలులో ఘోరం.. రన్నింగ్ ట్రైన్లో మహిళపై అత్యాచారం..
ఈ టెలికాన్ఫరెన్స్లో సీఎం చంద్రబాబు ఒక చారిత్రాత్మక నిర్ణయం గురించి ప్రకటించారు. ఏపీలో గూగుల్ ఏఐ డేటా హబ్ ఏర్పాటు చేసేందుకు నిన్న (అక్టోబర్ 14) ఢిల్లీలో గూగుల్ సంస్థతో ఒప్పందం చేసుకున్నట్లు వెల్లడించారు.
* గూగుల్ పెట్టుబడి: అతిపెద్ద ఏఐ డేటా హబ్ ఏర్పాటుకు గూగుల్ సంస్థ 15 బిలియన్ డాలర్లు (సుమారు రూ. 1.25 లక్షల కోట్లు) పెట్టుబడి పెట్టడానికి ముందుకు వచ్చిందని తెలిపారు. ఇది దేశంలోనే అతిపెద్ద విదేశీ ప్రత్యక్ష పెట్టుబడి (FDI) అని కొనియాడారు.
* ఐటీ విప్లవం: 1998లో హైదరాబాద్కు మైక్రోసాఫ్ట్ రాకతో ఐటీ ఎకో సిస్టం ఏర్పడి, నాలెడ్జి ఎకనామీకి పునాది పడిందని గుర్తు చేశారు. ఇప్పుడు గూగుల్ డేటా హబ్ రాకతో ఏపీలో కూడా ఐటీ రంగంలో పెద్ద మార్పు వస్తుందన్నారు.
* ప్రధాన పాత్ర: గూగుల్ ఏపీకి రావడానికి ప్రధాని మోడీ, కేంద్రమంత్రులు నిర్మలా సీతారామన్, అశ్వనీ వైష్ణవ్ చొరవతో పాటు, రాష్ట్ర ఐటీ మంత్రి నారా లోకేష్ ప్రధాన పాత్ర పోషించారని సీఎం తెలిపారు.
పాలనా సంస్కరణలు: సూపర్ జీఎస్టీ- సూపర్ సేవింగ్స్
గత పాలకులు చేసిన విధ్వంసం వల్ల రాష్ట్రం తీవ్రంగా నష్టపోయిందని సీఎం చంద్రబాబు నాయుడు ఆరోపించారు. పాలనా పరంగా జరిగిన తప్పులను సరి చేయడానికి చాలా సమయం పట్టిందని పేర్కొన్నారు.
* పునఃప్రారంభం: యోగాంధ్ర, అమరావతి రీస్టార్ట్ లాంటి కార్యక్రమాలను విజయవంతం చేశామని తెలిపారు.
* నెక్స్ జెన్ సంస్కరణలు: రేపు ప్రధాని మోడీ పాల్గొనే సూపర్ జీఎస్టీ- సూపర్ సేవింగ్స్ కార్యక్రమాన్ని కూడా విజయవంతం చేయాలని పిలుపునిచ్చారు. జీఎస్టీ 2.0 సంస్కరణల ద్వారా ఒక్కో కుటుంబానికి రూ.15 వేలు ఆదా అవుతుందని వెల్లడించారు. నెల్లాళ్లుగా ఈ నెక్స్ జెన్ సంస్కరణలపై విస్తృత ప్రచారం నిర్వహిస్తున్నామని తెలిపారు.
రాయలసీమ అభివృద్ధి: పరిశ్రమలు, పర్యాటకానికి పెద్ద పీట
ముఖ్యమంత్రి గారు రాయలసీమ అభివృద్ధిపై ప్రత్యేక దృష్టి సారించినట్లు తెలిపారు.
* పరిశ్రమలు, వ్యవసాయం: రాయలసీమకు పెద్ద ఎత్తున పరిశ్రమలు తీసుకొస్తున్నామని, సీమ జిల్లాలు ఇప్పుడు ఉద్యావన పంటలకు కేంద్రంగా మారాయని పేర్కొన్నారు.
* మౌలిక సదుపాయాలు: రాష్ట్రంలో పోర్టులు, రైల్వేల కనెక్టివిటీ ద్వారా సంపద సృష్టి జరుగుతుందని చెప్పారు.
* పర్యాటకం: తిరుపతి, శ్రీశైలం, గండికోట లాంటి ప్రాంతాలను అభివృద్ధి చేసి రాయలసీమను టూరిజం డెస్టినేషన్గా మారుస్తామని హామీ ఇచ్చారు.
* ప్రాజెక్టులు: రేపు ప్రధాని మోడీ గారు రాష్ట్రంలో రూ.13 వేల కోట్ల విలువైన ప్రాజెక్టుల శంకుస్థాపనలు, ప్రారంభోత్సవాలు చేస్తారని చంద్రబాబు నాయుడు వెల్లడించారు.
* లక్ష్యం: హెల్తీ, వెల్తీ, హ్యాపీ ఏపీ సాధనే లక్ష్యంగా అందరూ కలిసి పని చేయాలని సూచించారు.