Chandrababu: భారత చెస్లో మరో గొప్ప విజయాన్ని సాధించిన మన తెలుగు గర్వకారణం కోనేరు హంపి, ఫిడే ఉమెన్స్ వరల్డ్ కప్ సెమీఫైనల్కి చేరిన తొలి భారత మహిళా చెస్ క్రీడాకారిణిగా చరిత్ర సృష్టించారు. ఈ ఘనతతో ఆమె పేరు మరోసారి ప్రపంచ చెస్ వేదికపై మార్మోగింది. దేశవ్యాప్తంగా ఆమెపై అభినందనల వర్షం కురుస్తోంది.
చైనా గ్రాండ్ మాస్టర్పై అద్భుత విజయం
క్వార్టర్ ఫైనల్లో హంపి, చైనా గ్రాండ్ మాస్టర్ సాంగ్ యుక్సిన్ను 1.5-0.5 పాయింట్ల తేడాతో ఓడించారు. మొదటి నుంచే దూకుడుగా ఆడిన హంపి, చిన్నపాటి తప్పులను కూడా చాకచక్యంగా సరిదిద్దుకుని ఆటపై పూర్తిగా నియంత్రణ సాధించారు. ఆమె ప్రతి కదలికలో కనిపించిన అనుభవం, వ్యూహాత్మక ఆలోచన విజయానికి కారణమైంది.
ఇది కూడా చదవండి: Kalvakuntla Kavitha: ఆర్టీఐ కమిషన్లో బీసీలు, ఎస్టీలకు చోటు లేదా
భారత చెస్కు గౌరవం తెచ్చిన హంపి
ఇప్పటికే అనేక అంతర్జాతీయ టైటిళ్లను గెలుచుకున్న హంపి, ఈ విజయంతో భారత మహిళా చెస్కి మరో గొప్ప గుర్తింపు తీసుకొచ్చారు. ఇప్పుడు సెమీఫైనల్లో ఆమె విజయంపై దేశమంతా ఆసక్తిగా ఎదురుచూస్తోంది. గెలిస్తే అది భారత చెస్ చరిత్రలో మరొక మైలురాయిగా నిలుస్తుంది.
మన తెలుగు గర్వకారణం
ప్రపంచ వేదికపై మెరిసిపోతున్న మన తెలుగు కూతురు హంపిపై ప్రతి భారతీయుడు గర్వపడుతున్నారు. “అభినందనలు హంపి గారూ! మీ విజయాలు మాకు గర్వకారణం. రాబోయే మ్యాచ్ల్లో మరిన్ని శక్తివంతమైన కదలికలతో గెలవాలని ఆకాంక్షిస్తున్నాం” అని నారా చంద్రబాబు సోషల్ మీడియా ద్వారా ఆమెకి శుభాకాంక్షలు తెలిపారు.
Let’s cheer for our Telugu daughter shining brightly on the global stage.
Congratulations to Grandmaster Koneru Humpy on becoming the first Indian woman to reach the FIDE World Cup semifinals.
Your achievement fills us with pride and inspires countless others across the nation.… pic.twitter.com/JSDtzI7dv5
— N Chandrababu Naidu (@ncbn) July 21, 2025