Sanjay Thumma: అమెరికాలోని డల్లాస్ నగరం ఇప్పుడు సరికొత్త దేశీ రుచుల వేదికగా మారబోతోంది. ప్రపంచ ప్రఖ్యాతి గాంచిన సెలబ్రిటీ షెఫ్, ‘వారేవా’ ఫేమ్ సంజయ్ తమ్మ డల్లాస్ పర్యటన తెలుగు వారిలో సరికొత్త ఉత్సాహాన్ని నింపింది. ఈ పర్యటనలో భాగంగా ఆయన డల్లాస్ ఆహార ప్రియుల కోసం రాబోతున్న ‘దమ్ & గ్రిల్’ (Dum & Grill) రెస్టారెంట్కు సంబంధించిన కొత్త లోగోను అత్యంత వైభవంగా ఆవిష్కరించారు. తనదైన శైలిలో వంటల చిట్కాలు చెప్తూ, లక్షలాది మంది అభిమానులను సంపాదించుకున్న సంజయ్ తమ్మ ఈ లోగోను లాంచ్ చేయడం విశేషం.
విదేశాల్లో ఉంటున్నప్పటికీ మన స్వదేశీ రుచులను, ఆ సుగంధ ద్రవ్యాల ఘుమఘుమలను ఆస్వాదించే అవకాశం ఇలాంటి రెస్టారెంట్ల ద్వారా కలగడం సంతోషకరమని సంజయ్ తమ్మ ఈ సందర్భంగా వ్యాఖ్యానించారు. ఆధునిక హంగులతో పాటు నోరూరించే దమ్ & గ్రిల్ వెరైటీలతో ఈ రెస్టారెంట్ త్వరలోనే డల్లాస్ వాసులకు అందుబాటులోకి రానుంది. సంజయ్ తమ్మ స్వయంగా ఈ లోగోను విడుదల చేయడంతో, ఈ కొత్త రెస్టారెంట్పై స్థానికుల్లో భారీ అంచనాలు పెరిగాయి.
Also Read: : Desi Lolli: ప్రవాస యువత భావోద్వేగాలే కథగా ‘దేశీ లొల్లి’ చిత్రం!
ఈ లోగో ఆవిష్కరణ వేడుకలో స్థానిక తెలుగు సంఘాల ప్రతినిధులు, షెఫ్ సంజయ్ అభిమానులు పెద్ద సంఖ్యలో పాల్గొన్నారు. యూట్యూబ్ వేదికగా మన ఇంటి వంటలను ప్రపంచవ్యాప్తం చేసిన ఆయనతో ముచ్చటించేందుకు అతిథులు ఆసక్తి చూపారు. డల్లాస్ వాసులకు ఒక అద్భుతమైన భోజన అనుభూతిని అందించాలనే లక్ష్యంతో ‘దమ్ & గ్రిల్’ సిద్ధమైంది అని, అతి త్వరలోనే ఈ రెస్టారెంట్ పూర్తిస్థాయిలో ప్రారంభం కానుందని నిర్వాహకులు తెలిపారు. సంజయ్ తమ్మ రాకతో ఈ వేడుక డల్లాస్ తెలుగు కమ్యూనిటీలో ఒక పండుగ వాతావరణాన్ని తీసుకొచ్చింది.