Nalgonda: నల్గొండ వన్ టౌన్ పోలీసులు బీజేపీ నాయకుడు చికోటి ప్రవీణ్ కుమార్‌పై కేసు నమోదు చేశారు. హనుమాన్ జయంతి సందర్భంగా ఆయన చేసిన రెచ్చగొట్టే వ్యాఖ్యలపై సుమోటోగా స్వయంగా కేసు తీసుకున్నారు. ఈ కేసు విషయంలో పోలీసులు అతడిని విచారణకు పిలిచే అవకాశం ఉందని సమాచారం.
ఇటీవల రెండు రోజుల క్రితం హనుమాన్ జయంతిని పురస్కరించుకుని నల్గొండ పట్టణంలో బీజేపీ నేతలు శోభాయాత్రను నిర్వహించారు. ఈ కార్యక్రమంలో చికోటి ప్రవీణ్ కుమార్ కూడా పాల్గొన్నారు. ఈ నేపథ్యంలో ఆయనపై కేసు నమోదవ్వడంతో స్థానిక బీజేపీ నాయకులు ఆగ్రహం వ్యక్తం చేస్తున్నారు. కేసు రాజకీయ ప్రతీకారంగానే భావిస్తున్నట్టు వారు ఆరోపిస్తున్నారు.