KTR: తెలంగాణ రాష్ట్రానికి మరో అరుదైన గౌరవం దక్కింది. బీఆర్ఎస్ వ‌ర్కింగ్ ప్రెసిడెంట్, మాజీ మంత్రి కేటీ రామారావు ప్రతిష్టాత్మక ‘గ్రీన్ లీడర్‌షిప్ అవార్డు – 2025’ కు ఎంపికయ్యారు. ఈ అవార్డు సెప్టెంబర్ 24న న్యూయార్క్‌లో జరిగే 9వ NYC గ్రీన్ స్కూల్ కాన్ఫరెన్స్ లో ప్రదానం చేయనున్నారు.
సుస్థిర పాలనలో అంతర్జాతీయ గుర్తింపు
గ్రీన్ మెంటర్స్ తరఫున ప్రకటించిన ఈ అవార్డు, కేటీఆర్ సుస్థిర పాలన (sustainable governance) మరియు పర్యావరణ పరిరక్షణలో చేసిన కృషికి గుర్తింపుగా ఇవ్వబడుతోంది. “మీరు గ్రీన్ లీడర్‌షిప్ అవార్డు 2025 గ్రహీతగా ఎంపిక కావడం మాకు గర్వంగా ఉంది” అని నిర్వాహకులు అధికారిక లేఖలో పేర్కొన్నారు.
కేటీఆర్‌కు దక్కిన అరుదైన గౌరవం
న్యూయార్క్‌లో ‘గ్రీన్ లీడర్‌షిప్’ అవార్డు
సుస్థిర పాలన, పర్యావరణ పరిరక్షణలో ఆయన చేసిన కృషికి గాను ప్రతిష్టాత్మకమైన ‘గ్రీన్ లీడర్‌షిప్ అవార్డు 2025కు ఎంపికైన కేటిఆర్
ఈ అవార్డు ప్రదానోత్సవం సెప్టెంబర్ 24న న్యూయార్క్‌లో జరగనున్న 9వ NYC గ్రీన్ స్కూల్… pic.twitter.com/2StmOoAQR5
— s5news (@s5newsoffical) September 11, 2025
హైదరాబాద్‌ను గ్రీన్ సిటీగా మలిచిన కృషి
మున్సిపల్ అండ్ అర్బన్ డెవలప్‌మెంట్ మంత్రిగా పనిచేసిన సమయంలో కేటీఆర్, హైదరాబాద్‌ను పచ్చదనంతో మలచడంలో కీలకపాత్ర పోషించారు.
-
GHMC ఆధ్వర్యంలో 977 పార్కులు,
-
108 లంగ్ స్పేసులు,
-
థీమ్ పార్కులు, రెయిన్ గార్డెన్లు, వర్టికల్ గార్డెన్లు,
-
పెద్ద ఎత్తున అవెన్యూ ప్లాంటేషన్‌ మరియు సంస్థాగత ప్లాంటేషన్‌లు
వంటి ప్రాజెక్టులు విజయవంతం అయ్యాయి.
ఇది కూడా చదవండి: Bandi Plan Karimnagar: కరీంనగర్‌లో సంజయ్‌ వ్యూహాత్మక అడుగులు..!
రాష్ట్ర పచ్చదనంలో గణనీయమైన పెరుగుదల
మాజీ సీఎం కె. చంద్రశేఖర్ రావు నాయకత్వంలో, కేటీఆర్ కృషితో కలిసి తెలంగాణ పచ్చదనం 24 శాతం నుండి 33 శాతానికి పెరిగింది. దీని ఫలితంగా రాష్ట్రం పర్యావరణ పరిరక్షణలో దేశానికి ఆదర్శంగా నిలిచింది.
అంతర్జాతీయ గుర్తింపులు హైదరాబాద్‌కు
హైదరాబాద్ ఇప్పటికే వరల్డ్ గ్రీన్ సిటీస్ అవార్డు ను గెలుచుకుంది. అలాగే FAO మరియు ఆర్బర్ డే ఫౌండేషన్ సంయుక్తంగా ఇచ్చే ట్రీ సిటీ ఆఫ్ ది వరల్డ్ గౌరవాన్ని పొందిన ఏకైక భారతీయ నగరంగా గుర్తింపు పొందింది.