Bill Gates: ప్రపంచ ప్రఖ్యాత టెక్నాలజీ దిగ్గజం, మైక్రోసాఫ్ట్ సహ వ్యవస్థాపకుడు బిల్ గేట్స్, తన కూతురు ఫీబీ గేట్‌పై తన అభిప్రాయాలను పంచుకున్నారు. బిల్ గేట్స్, తన కూతురు స్వతంత్రంగా తన స్టార్టప్‌ను ప్రారంభించడం. సొంతంగా నిధులు సమకూర్చుకోవడం పై తన ఆనందాన్ని వ్యక్తం చేశారు.
ఫీబీ గేట్స్, తన స్నేహితురాలు సోషియా కియానితో కలిసి ‘ఫియా’ అనే కొత్త స్టార్టప్‌ను ప్రారంభించింది. ఈ స్టార్టప్, డిజిటల్ ఫ్యాషన్ ప్లాట్‌ఫామ్‌గా ఉన్నది, ఇది 40,000కి పైగా వెబ్‌సైట్‌ల నుండి ఫ్యాషన్ డీల్స్‌ను ప్రదర్శిస్తుంది. ఫీబీ గేట్స్‌కు స్టార్ట్‌ప్‌ను సొంతంగా ప్రారంభించాలనే ఆలోచన, ఆమె స్వంతంగా నిధులు సమకూర్చుకోవాలని నిర్ణయించుకున్న తరువాత వచ్చినది.
ఇటీవలే న్యూయార్క్ టైల్స్‌తో ఇంటర్వ్యూలో బిల్ గేట్స్ తన కూతురు ప్రాజెక్టుపై స్పందించారు. “ఫీబీ తన కృతి సాధనకు స్వతంత్రంగా నిధులు సమకూర్చుకోవడాన్ని చూసి చాలా సంతోషించాను. ఆమె దేనికైనా ఆధారపడకుండా, స్వతంత్రంగా మారే దిశగా వెళ్ళింది. నాకు చాలా గర్వంగా ఉంది. అని బిల్ గేట్స్ చెప్పారు.
Also Read: Viral News: దీన్ని పిచ్చి అంటారు సార్.. రీల్స్ కోసం ఏకంగా చెట్టు పైనే
Bill Gates: ఒకవేళ ఆర్థికంగా సాయం కోరి వస్తే తాను సంతోషంగా అంగీకరించేవాడినని బిల్‌గేట్స్‌ పేర్కొన్నారు. అయితే తాను నిధులు ఇచ్చినట్లయితే కచ్చితంగా కొన్ని షరతులు పెట్టేవాడినన్నారు. అలా అడగకుండా సొంతంగానే నిధులు సమకూర్చుకున్నందుకు ధన్యవాదాలు తెలిపారు. స్టార్టప్ సంస్థ కోసం సొంతంగా నిధులు సమకూర్చుకోవాలని తన తల్లి మెలిండా గేట్సే ప్రోత్సహించిందని ఫీబీ తెలిపింది. పడుతూ లేస్తూ జీవిత పాఠాలు నేర్చుకునేందుకు తనకు ఇదో అవకాశమని తల్లి భావించిందని వివరించారు.
ఫీబీ గేట్స్, తన ఫియా సంస్థ ద్వారా ఫ్యాషన్, స్టైలిష్ వస్తువులపై యూజర్లకు అద్భుతమైన డీల్స్‌ను అందించే అవకాశం కల్పిస్తున్నారు. దీనిలో యూజర్లు, వెబ్‌సైట్‌ల నుండి తనకు నచ్చిన ఉత్పత్తులను తీసుకుని, వాటి ధరలు కంటే ఎక్కువనో, తక్కువనో ఉన్నాయి అనే అంశాన్ని తెలుసుకోవచ్చు. ఫీబీ గేట్స్, ఫియా కోసం సొంతంగా 500,000 డాలర్లకు పైగా నిధులు సమకూర్చుకుని, స్టార్టప్‌ను పెద్దగా తీసుకెళ్లారు.