Big Boss 9: తెలుగు బుల్లితెర సంచలన రియాలిటీ షో ‘బిగ్ బాస్’ సీజన్ 9 కోసం అభిమానులు ఆసక్తిగా ఎదురుచూస్తున్నారు. గత సీజన్లలో మంచి రెస్పాన్స్‌తో దూసుకెళ్లిన ఈ షో హోస్ట్‌గా ఈసారి ఎవరు కనిపిస్తారనే చర్చ సాగింది. ఇటీవల నందమూరి బాలకృష్ణ హోస్ట్‌గా వస్తారనే రూమర్స్ సోషల్ మీడియాలో హల్‌చల్ చేశాయి. అయితే, తాజా సమాచారం ప్రకారం, సీజన్ 9 హోస్ట్‌గా కింగ్ నాగార్జుననే నిర్వాహకులు ఖరారు చేశారు. నాగార్జున కోట్ చేసిన భారీ రెమ్యూనరేషన్‌కు నిర్వాహకులు గ్రీన్ సిగ్నల్ ఇచ్చినట్లు తెలుస్తోంది. సెప్టెంబర్‌లో ప్రారంభం కానున్న ఈ సీజన్ కోసం అభిమానులు ఉత్కంఠతో ఎదురుచూస్తున్నారు. నాగార్జున హోస్టింగ్‌తో ఈసారి బిగ్ బాస్ ఎలాంటి సంచలనాలు సృష్టిస్తుందో వేచి చూడాలి.
