Avatar 3: జేమ్స్ కామరాన్ రూపొందిస్తున్న అవతార్ సిరీస్ మరోసారి అభిమానులను అబ్బురపరచడానికి సిద్ధమవుతోంది. అవతార్: ఫైర్ అండ్ ఆష్ టైటిల్‌తో వస్తున్న మూడో చిత్రం ఫస్ట్ లుక్ పోస్టర్‌ను మేకర్స్ విడుదల చేశారు. ఈ పోస్టర్ సినిమా యొక్క తీవ్రమైన యాక్షన్, భావోద్వేగ కథనాన్ని సూచిస్తూ అభిమానుల ఆసక్తిని రెట్టింపు చేసింది. ఈ శుక్రవారం ఫెంటాస్టిక్ 4: ఫస్ట్ స్టెప్స్ చిత్రంతో థియేటర్లలో అవతార్ 3 ట్రైలర్ ప్రదర్శితం కానుందని మేకర్స్ ప్రకటించారు. పాండోరా ప్రపంచంలో కొత్త యాక్షన్, కొత్త గిరిజనాలు, అద్భుతమైన విజువల్స్‌తో ఈ సినిమా ప్రేక్షకులను మరో స్థాయికి తీసుకెళ్లనుంది. డిసెంబర్ 19న ఈ చిత్రం ప్రపంచవ్యాప్తంగా థియేటర్లలో విడుదల కానుంది. సామ్ వర్తింగ్‌టన్, జో సల్దానా, సిగౌర్నీ వీవర్ లాంటి స్టార్ కాస్ట్‌తో ఈ సినిమా మరో బాక్సాఫీస్ సంచలనం సృష్టించడం ఖాయమని అంటున్నారు.
