Anil Ambani: ప్రముఖ వ్యాపారవేత్త అనిల్ అంబానీ 17,000 కోట్ల రూపాయల రుణ మోసం కేసులో మళ్లీ వార్తలో నిలిచింది. ఈ కేసులో విచారణకు హాజరయ్యేందుకు ఆయన సోమవారం (ఆగస్టు 5) నాడు ఢిల్లీ లోని ఎన్‌ఫోర్స్‌మెంట్ డైరెక్టరేట్ (ED) కార్యాలయానికి హాజరయ్యారు.
ఇది అప్పటికే కొనసాగుతున్న మనీలాండరింగ్ దర్యాప్తులో భాగం. అనిల్ అంబానీకి చెందిన రిలయన్స్ గ్రూప్‌ కంపెనీలపై పెద్ద మొత్తంలో బ్యాంకు రుణాలు తీసుకొని అవి వేరే కంపెనీలకు మళ్లించారని ఆరోపణలు ఉన్నాయి. దీనిపై గత వారం రోజుల క్రితం దేశవ్యాప్తంగా 35 ప్రాంతాల్లో సోదాలు కూడా చేశారు.
విదేశాలకు వెళ్లకుండా లుక్ అవుట్ సర్క్యులర్
ఈ కేసులో అనిల్ అంబానీ విచారణకు హాజరు కాకముందే, జూలై 31న ఆయనపై లుక్ అవుట్ సర్క్యులర్ (LOC) కూడా జారీ చేసింది కేంద్ర దర్యాప్తు సంస్థ. దీని వల్ల అనిల్ అంబానీ దేశం విడిచి వెళ్లే అవకాశం లేదు. విచారణ సందర్భంగా ఆయన మనీలాండరింగ్ నిరోధక చట్టం (PMLA) కింద వాంగ్మూలం ఇచ్చే అవకాశం ఉంది. అంతేకాదు, రిలయన్స్ గ్రూప్‌కు చెందిన ఇతర ఎగ్జిక్యూటివ్‌లకు కూడా సమన్లు పంపినట్లు వార్తా సంస్థలు వెల్లడించాయి.
ఇది కూడా చదవండి: Tirumala News: తిరుమ‌ల‌లో అర్ధ‌రాత్రి క‌ల‌క‌లం.. భ‌క్తుల భ‌యాందోళ‌న (వీడియో)
రుణాల మళ్లింపుతో సంబంధం ఉన్న ఆరోపణలు
రిలయన్స్ ఇన్‌ఫ్రాస్ట్రక్చర్‌ (R-Infra) సహా అనిల్ అంబానీకి చెందిన బహుళ కంపెనీలు మూడవ పార్టీ కంపెనీలను ఉపయోగించి భారీగా రుణాలను మళ్లించారన్న ఆరోపణలు వచ్చాయి. ప్రత్యేకంగా “CLE” అనే కంపెనీ ద్వారా ఇంటర్ కార్పొరేట్ డిపాజిట్లు (ICDల) పేరుతో నిధులను పంపించారని ఎన్‌ఫోర్స్‌మెంట్ డైరెక్టరేట్ పేర్కొంది. ఆడిట్లు తప్పించేందుకు ఆ కంపెనీని సంబంధిత పార్టీగా చూపలేదని ఆరోపిస్తున్నారు.
రిలయన్స్ స్పందన ఏమిటి?
ఈ కేసుపై రిలయన్స్ గ్రూప్‌ స్పందిస్తూ – ఈ అంశం దాదాపు పది ఏళ్ల క్రితం జరిగిందని, తమ గ్రూప్‌ ఎక్స్‌పోజర్‌ కేవలం ₹6,500 కోట్లు మాత్రమే అని చెప్పింది. అలాగే, రిటైర్డ్ సుప్రీంకోర్టు న్యాయమూర్తి నడిపిన మధ్యవర్తిత్వ ప్రక్రియలో బాంబే హైకోర్టు దాఖలైన వివరాల ప్రకారం, తమ మొత్తం ఎక్స్‌పోజర్‌ను తిరిగి పొందేందుకు పరిష్కారం కూడా వచ్చిందని వెల్లడించింది.
ముందు ఏం జరుగుతుంది?
ఈ కేసులో అనిల్ అంబానీపై విచారణ కొనసాగుతుండగా, ఆయన వాంగ్మూలం ఆధారంగా మరిన్ని అభియోగాలు నమోదు అయ్యే అవకాశముంది. ఈ కేసు ఫైనాన్షియల్ మరియు కార్పొరేట్ రంగంలో తీవ్ర ప్రభావం చూపే అంశంగా మారింది.
#WATCH | Delhi: Anil Ambani reaches the Enforcement Directorate office after being summoned for questioning as part of ED’s ongoing probe into an alleged Rs 17,000-crore loan fraud case. pic.twitter.com/IBZmhZiJmn
— ANI (@ANI) August 5, 2025