Anaganaga Oka Raju Trailer: తెలుగు ప్రేక్షకులకు నవ్వుల విందు వడ్డించేందుకు యువ నటుడు నవీన్ పొలిశెట్టి మరోసారి సిద్ధమయ్యారు. అత్యంత ఆసక్తిగా ఎదురుచూస్తున్న ఆయన తాజా చిత్రం ‘అనగనగా ఒక రాజు’ థియేట్రికల్ ట్రైలర్ను చిత్ర బృందం ఈరోజు గ్రాండ్గా విడుదల చేసింది. సంక్రాంతి కానుకగా జనవరి 14న థియేటర్లలోకి రానున్న ఈ సినిమా ట్రైలర్, పండగ పూట అసలుసిసలైన వినోదాన్ని పంచబోతున్నట్లు భరోసా ఇస్తోంది. గోదావరి జిల్లా నేపథ్యంలో ఒక గ్రాండ్ పెళ్లి చుట్టూ తిరిగే గందరగోళం, హుషారైన కామెడీ డైలాగ్స్తో ట్రైలర్ అలరించింది.
ఈ ట్రైలర్లో అతిపెద్ద సర్ప్రైజ్ ఏమిటంటే, కింగ్ అక్కినేని నాగార్జున తన గంభీరమైన వాయిస్ ఓవర్ అందించడం. “అనగనగా ఒక రాజు.. ఆ రాజుకు చాలా పెద్ద మనసు” అంటూ బంగారాజు శైలిలో ఆయన ఇచ్చిన వాయిస్ ఓవర్ ట్రైలర్కు భారీ క్రేజ్ను తెచ్చిపెట్టింది. నవీన్ పొలిశెట్టి తనదైన మార్క్ ఎనర్జీ, కామెడీ టైమింగ్తో అదరగొట్టగా, హీరోయిన్ మీనాక్షి చౌదరి తన అందం, అభినయంతో ఆకట్టుకుంది. ముఖ్యంగా ట్రైలర్ ప్రారంభంలో వచ్చే “బలపం పట్టి భామ వొడిలో” అనే మ్యూజిక్ బిట్ ప్రేక్షకులను విశేషంగా ఆకర్షిస్తోంది.
Also Read: Toxic Teaser: యష్ ‘టాక్సిక్’ టీజర్ సంచలనం.. సోషల్ మీడియా షేక్!
సితార ఎంటర్టైన్మెంట్స్, ఫార్చూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య నిర్మిస్తున్న ఈ చిత్రానికి నూతన దర్శకుడు మారి దర్శకత్వం వహిస్తున్నారు. మిక్కీ జె మేయర్ అందించిన సంగీతం సినిమాకు అదనపు బలాన్ని ఇస్తోంది. వరుసగా మూడు హిట్లు అందుకున్న నవీన్ పొలిశెట్టి, ఈ ‘రాజు గారి పెళ్లి’ కథతో బాక్సాఫీస్ వద్ద తన సక్సెస్ పరంపరను కొనసాగిస్తారని సినీ వర్గాలు భావిస్తున్నాయి. సంక్రాంతి బరిలో నిలిచిన ఇతర చిత్రాల మధ్య, పక్కా ఫ్యామిలీ ఎంటర్టైనర్గా ‘అనగనగా ఒక రాజు’ గట్టి పోటీ ఇచ్చేలా కనిపిస్తోంది.