AP State Central Library: ఆంధ్రప్రదేశ్ రాజధాని అమరావతిలో ప్రతిష్టాత్మక స్టేట్ సెంట్రల్ లైబ్రరీ నిర్మాణ ప్రక్రియను రాష్ట్ర ప్రభుత్వం వేగవంతం చేసింది. విద్యార్థులు, పరిశోధకులు, పుస్తక ప్రియులకు అంతర్జాతీయ స్థాయి వసతులను అందుబాటులోకి తీసుకురావాలనే లక్ష్యంతో ప్రభుత్వం ఈ ప్రాజెక్టుపై దృష్టి సారించింది.
ఈ మేరకు, లైబ్రరీ భవనం డిజైన్, ఆర్కిటెక్ట్ కన్సల్టెంట్ ఎంపిక, నిర్మాణ ప్రణాళికల పరిశీలన కోసం పాఠశాల విద్యాశాఖ ఒక కీలక నిర్ణయం తీసుకుంది. తాజాగా, ఏడుగురు సభ్యులతో కూడిన ప్రత్యేక నిపుణుల కమిటీని నియమిస్తూ ఉత్తర్వులు (జీవో) జారీ చేసింది.
కమిటీ కూర్పు, కీలక బాధ్యతలు:
పాఠశాల విద్యాశాఖ కార్యదర్శి కోన శశిధర్ జారీ చేసిన ఈ ఉత్తర్వుల ప్రకారం, కమిటీ ఛైర్మన్గా పాఠశాల విద్యాశాఖ ప్రభుత్వ కార్యదర్శి వ్యవహరిస్తారు.
కమిటీలో ఉండే సభ్యులు:
-
పాఠశాల విద్యాశాఖ డైరెక్టర్
-
ఏపీ ఈడబ్ల్యూఐడీసీ (APEWIDC) మేనేజింగ్ డైరెక్టర్
-
సమగ్ర శిక్షా చీఫ్ ఇంజినీర్
-
స్కూల్ ఆఫ్ ఆర్కిటెక్చర్ నిపుణులు
-
ఇతర సాంకేతిక నిపుణులు
ఈ నిపుణుల కమిటీ సెంట్రల్ లైబ్రరీ డిజైన్లను, ఆర్కిటెక్చర్ కన్సల్టెంట్ల ప్రణాళికలను లోతుగా పరిశీలించి, ఉత్తమమైన వాటిని ఎంపిక చేయడంలో ప్రభుత్వానికి సహాయపడుతుంది.
ఇది కూడా చదవండి: Ambedkar Gurukulams: అంబేడ్కర్ గురుకులాలకు ప్రభుత్వం గుడ్ న్యూస్.. రూ. 39 కోట్ల నిధులు విడుదల!
త్వరలో నిర్మాణ పనులు ప్రారంభం
ప్రభుత్వం జారీ చేసిన ఆదేశాలలో, పబ్లిక్ లైబ్రరీస్ డైరెక్టర్, ఏపీఈడబ్ల్యూఐడీసీ ఎండీ, సమగ్ర శిక్షా రాష్ట్ర ప్రాజెక్టు డైరెక్టర్లకు తదుపరి చర్యలు త్వరగా చేపట్టాలని స్పష్టమైన మార్గదర్శకాలు ఇచ్చారు. దీనితో, త్వరలోనే నిర్మాణ పనులు ప్రారంభమయ్యే అవకాశం ఉంది.
అత్యాధునిక సౌకర్యాలతో రూపుదిద్దుకోనున్న ఈ స్టేట్ సెంట్రల్ లైబ్రరీ, రాష్ట్రంలోని విద్యార్థులకు, పరిశోధకులకు విజ్ఞాన కేంద్రంగా మారనుంది. ఈ ప్రాజెక్టును అధికారులు రాజధాని అభివృద్ధిలో మరో మైలురాయిగా అభివర్ణిస్తున్నారు. ఏపీలో నూతన గ్రంథాలయ వ్యవస్థకు ఇది ఒక గొప్ప ముందడుగు అని చెప్పవచ్చు.