Allu Arjun: ఐకాన్ స్టార్ అల్లు అర్జున్ నేడు దేశం గర్వించే స్థాయికి ఎదిగినా, తన ఎదుగుదల వెనుక ఉన్న ముఖ్యులను ఎప్పుడూ మర్చిపోరు. ముఖ్యంగా దర్శకుడు సుకుమార్ అంటే బన్నీకి ఎనలేని ప్రేమ మరియు గౌరవం. నేడు జనవరి 11న సుకుమార్ పుట్టినరోజు కావడంతో, తన ప్రియతమ దర్శకుడికి అల్లు అర్జున్ సోషల్ మీడియా వేదికగా చాలా హృదయపూర్వకమైన శుభాకాంక్షలు తెలిపారు. ఈ సందర్భంగా బన్నీ పెట్టిన పోస్ట్ ప్రస్తుతం ఇంటర్నెట్లో తెగ వైరల్ అవుతోంది.
“హ్యాపీ బర్త్ డే సుక్కు డార్లింగ్.. నీ పుట్టినరోజు నీకంటే నాకే చాలా ప్రత్యేకం. ఎందుకంటే నీ రాకతోనే నా జీవితం పూర్తిగా మారిపోయింది. నా జీవితంలో నువ్వు ఉండటం వల్ల కలిగిన ఆ సంతోషాన్ని నేను మాటల్లో చెప్పలేను.
ఇది కూడా చదవండి: Flipkart Sales: ఫ్లిప్కార్ట్ రిపబ్లిక్ డే సేల్ వచ్చేస్తోంది.. స్మార్ట్ఫోన్లు, ఎలక్ట్రానిక్స్పై భారీ డిస్కౌంట్లు!
నువ్వు పుట్టినందుకు ధన్యవాదాలు” అంటూ అల్లు అర్జున్ చాలా ఎమోషనల్ అయ్యారు. తన పోస్ట్ చివర్లో హీరో నవదీప్ను ట్యాగ్ చేస్తూ సరదాగా ‘కాపీరైట్స్’ అంటూ చిన్న చమత్కారాన్ని కూడా జోడించారు. బన్నీ చేసిన ఈ పోస్ట్తో మెగా అభిమానులు ఖుషీ అవుతూ సుకుమార్కు శుభాకాంక్షలు తెలియజేస్తున్నారు.
నిజానికి అల్లు అర్జున్ కెరీర్ను గమనిస్తే, ఆయన జీవితంలోని అతిపెద్ద మలుపుల వెనుక సుకుమార్ ఉన్నారు. ‘గంగోత్రి’తో హీరోగా పరిచయమైనప్పుడు బన్నీ కొన్ని విమర్శలు ఎదుర్కొన్నారు. కానీ ఆ తర్వాత వచ్చిన ‘ఆర్య’ సినిమాతో సుకుమార్ అల్లు అర్జున్ను స్టైలిష్ స్టార్గా మార్చి యూత్లో తిరుగులేని ఇమేజ్ ఇచ్చారు. ఇక ఇటీవలే వచ్చిన ‘పుష్ప 1’, ‘పుష్ప 2’ చిత్రాల గురించి అయితే చెప్పక్కర్లేదు. ఈ సినిమాలతోనే అల్లు అర్జున్ జాతీయ అవార్డు గెలుచుకోవడమే కాకుండా గ్లోబల్ స్టార్గా గుర్తింపు పొందారు. అందుకే తనను స్టార్ను చేసిన గురువు పట్ల బన్నీ మరోసారి తన కృతజ్ఞతను చాటుకున్నారు.
Happy Birthday, darling.
It’s a special day for me… more than for you… because this day changed my life. No amount of wishes can convey the joy of having you in my life. #HBDSukumar
Puttinandhuku thanks!!! 🖤
(Copyrights @pnavdeep26 ) pic.twitter.com/mJ7jNBmFQa— Allu Arjun (@alluarjun) January 11, 2026