Aditi Rai: ప్రముఖ నటి అదితి రావు హైదరి తన పేరును దుర్వినియోగం చేస్తూ కొందరు వాట్సాప్‌లో మోసాలకు పాల్పడుతున్నారని హెచ్చరించారు. గుర్తు తెలియని వ్యక్తి ఆమె ఫొటోను ప్రొఫైల్‌గా పెట్టుకుని, ఫొటోషూట్‌ల పేరుతో ఫొటోగ్రాఫర్లను సంప్రదిస్తున్నట్లు సమాచారం బయటకు రావడంతో, దీనిపై ఆమె తక్షణమే స్పష్టత ఇచ్చారు.
ఇన్‌స్టాగ్రామ్‌లో ఒక అధికారిక ప్రకటన విడుదల చేసిన అదితి మాట్లాడుతూ:
“వాట్సాప్‌లో నా ఫొటో పెట్టుకుని ఎవరో ఫొటోగ్రాఫర్లకు మెసేజ్‌లు చేస్తున్నారు.“అది నేనే కాదు.” “నేను వ్యక్తిగత నంబర్‌ ద్వారా ఎవరినీ సంప్రదించను.” “నా పనులన్నీ నా టీమ్‌ ద్వారా మాత్రమే జరుగుతాయి.” అదితి, ఆ నంబర్‌తో ఎవరూ మాట్లాడవద్దని, అనుమానం వచ్చిన వెంటనే తన టీమ్‌కు తెలియజేయాలని అభిమానులకు, ఇండస్ట్రీ వారికి సూచించారు.
తన అభిమానులను అప్రమత్తం చేస్తూ అదితి:
“ఇలాంటి పరిస్థితుల్లో జాగ్రత్తగా ఉండండి.”“నన్ను నిరంతరం ప్రోత్సహిస్తున్న అందరికీ ధన్యవాదాలు.” అని పేర్కొన్నార
అదితి కెరీర్ తాజా అప్‌డేట్
ఇటీవల నెట్‌ఫ్లిక్స్‌లో విడుదలైన ‘హీరామండి: ది డైమండ్ బజార్’ వెబ్ సిరీస్‌లో అదితి నటనకు విశేష ప్రశంసలు లభించాయి.
అలాగే, వనపర్తి రాజవంశంకు చెందిన అదితి, ఇటీవల వనపర్తి చీరల పునరుద్థాన కార్యక్రమాన్ని ప్రశంసిస్తూ చేసిన పోస్ట్ కూడా చర్చనీయాంశమైంది.