నటి అనన్య నాగళ్ళ ఇటీవల కాస్టింగ్ కౌచ్ గురించి ఓ రిపోర్టర్ అడిగిన ప్రశ్నకు అదిరిపోయే రేంజ్ లో సమాధానం ఇచ్చింది. ఈ విషయంలో ఆమెకు అన్ని వర్గాల నుండి ప్రశంసలు దక్కాయి. ఇక ఇప్పుడు మరోసారి తాను చేసిన కామెంట్స్ గురించి చెప్పుకొచ్చారు అనన్య. తాజాగా ఓ ఇంటర్వ్యూలో పాల్గొన్న ఆమె మాట్లాడుతూ “కొన్ని ప్రశ్నలకు మనం సంస్కారంతో ఆన్సర్ ఇవ్వాలి. అది ఎదుటివారికి ఉన్నా లేకున్నా సరే. ఆరోజు అదే నేను చేశాను. ఈ విషయంలో మీడియా నుండి సపోర్ట్ రావడం ఆనందం అనిపించింది. చాలా మంది ఆ రిపోర్టర్ అడిగినదానికి మేము సారీ చేపిస్తున్నామన్నారు. ఒక తెలుగు అమ్మాయికి ఇంతలా సపోర్ట్ చేస్తున్నందుకు చాలా సంతోషంగా అనిపించింది” అంటూ చెప్పుకొచ్చింది అనన్య.
ప్రస్తుతం అనన్య నటిస్తున్న పొట్టేల్ సినిమా అక్టోబర్ 25న విడుదల కానుంది. ఈ మూవీని సాహిత్ మోత్కూరి డైరెక్ట్ చేశాడు. పక్కా విలేజ్ బ్యాక్ గ్రౌండ్లో ఎమోషన్ రైడ్ గా ఈ ట్రైలర్ ను కట్ చేశారు. 1980 కాలం నాటి తెలంగాణలోని పరిస్థితులను మనకు ఈ సినిమాలో చూపెట్టనున్నారు. తన కూతురు చదువు కోసం ఓ తండ్రి ఎదుర్కొనే సమస్యలు.. ఓ పొట్టేలు వారికి ఎలాంటి అడ్డంకులను తెచ్చి పెట్టిందనేది ఈ సినిమా కథగా రాబోతుంది. ఈ నెల 25న థియేటర్లలో విడుదల కాబోతున్న ఈ కంటెంట్ బేస్డ్ మూవీపై ఇప్పటికైతే ఈ పాజిటివ్ టాక్ ఉంది. ఈ ట్రైలర్ లోని రా అండ్ రస్టిక్ కంటెంట్ సినిమాపై అంచనాలను పెంచేశాయి. కాగా అనన్య నటిస్తోన్న శ్రీకాకుళం షెర్లక్ హోమ్స్ సినిమా రిలీజ్ కి రెడీగా ఉండగా… సతీష్ వేగేశ్న గారి కథకళి సినిమా, ‘లేచింది మహిళా లోకం’అనే సినిమా చేస్తున్నారు.