Actor Vishal: సినీ పరిశ్రమలో మరో శుభవార్త! ప్రముఖ నటుడు విశాల్, నటి సాయి ధన్సికల నిశ్చితార్థం ఘనంగా జరిగింది. విశాల్ పుట్టినరోజు సందర్భంగా వీరిద్దరి వివాహ నిశ్చితార్థం కుటుంబ సభ్యులు, సన్నిహితుల మధ్య అంగరంగ వైభవంగా జరిగింది.
విశాల్ తన నిశ్చితార్థం గురించి సోషల్ మీడియా ద్వారా అభిమానులతో పంచుకున్నారు. “ఈ ప్రత్యేకమైన పుట్టినరోజున నన్ను ఆశీర్వదించిన మీ అందరికీ ధన్యవాదాలు. సాయి ధన్సికతో నా నిశ్చితార్థం గురించి ఈ శుభవార్తను మీతో పంచుకోవడం నాకు చాలా ఆనందంగా ఉంది. మీరు మమ్మల్ని దీవించినందుకు సంతోషిస్తున్నాను. మీ ప్రేమ, ఆశీర్వాదాలు ఎప్పటికీ మాకు కావాలి” అని తన పోస్ట్‌లో రాసుకొచ్చారు.
విశాల్, సాయి ధన్సిక కలిసి ‘పదినెట్టామ్‌ పడి’ అనే సినిమాలో నటించారు. ఈ సినిమాతో వీరి మధ్య పరిచయం ఏర్పడి ప్రేమగా మారింది. త్వరలోనే వీరిద్దరూ పెళ్లి పీటలు ఎక్కనున్నారు. ప్రస్తుతం ఇరు కుటుంబాలు పెళ్లి ఏర్పాట్లలో నిమగ్నమై ఉన్నాయి. ఈ శుభ సందర్భంలో విశాల్, సాయి ధన్సికలకు శుభాకాంక్షలు వెల్లువెత్తుతున్నాయి.