Actor Siddique: కేరళలో ఓ నటి చేసిన లైంగిక ఫిర్యాదు మేరకు మలయాళ నటుడు సిద్ధిక్‌ను ఆ రాష్ట్ర పోలీసులు అరెస్ట్ చేశారు. కేరళలో సినీ పరిశ్రమలో మహిళలపై లైంగిక వేధింపులు జరుగుతున్నాయని ఫిర్యాదులు వచ్చాయి. ఇందుకు సంబంధించి ఏర్పాటైన ‘హేమా’ కమిటీ విచారణ నివేదిక గత సెప్టెంబర్ లో విడుదలై మలయాళ చిత్ర పరిశ్రమలో పెను ప్రకంపనలు సృష్టించింది.
తరువాత చాలా మంది నటీమణులు తమకు ఎదురైన లైంగిక వేధింపుల గురించి బహిరంగంగా మాట్లాడారు. ఈ విషయంపై కొందరు పోలీసులకు ఫిర్యాదు చేశారు. ఈ క్రమంలో మలయాళ నటుడు సిద్ధిక్ తనను లైంగికంగా వేధించాడని నటి రేవతి సంపత్ ఫిర్యాదు చేసింది. ‘తనకు సినిమాలో అవకాశం ఇప్పిస్తానని చెప్పి ఓ హోటల్‌లో తనపై అత్యాచారం చేశాడు’ అని ఆమె తిరువనంతపురం పోలీస్ స్టేషన్‌లో ఫిర్యాదు చేసింది. ఈ కేసులో ముందస్తు బెయిల్ కోసం సిద్ధిక్ చేసుకున్న పిటిషన్‌ను కేరళ హైకోర్టు తిరస్కరించింది.
ఇది కూడా చదవండి: Narendra Modi: వందేమాతరం పాడి ప్రధాని మోదీ మెప్పు పొందిన చిన్నారి
Actor Siddique: ఆ తర్వాత పరారీలో ఉన్న అతడు సుప్రీంకోర్టులో మధ్యంతర బెయిల్ పొందాడు. మేజిస్ట్రేట్‌లు అతని పాస్‌పోర్ట్‌ను సమర్పించాలని కోరారు. పోలీసు విచారణకు సహకరించాలనే షరతుతో అతనికి ముందస్తు బెయిల్ మంజూరు చేశారు. అయితే, ఈ కేసులో శుక్రవారం తిరువనంతపురం పోలీసులు నటుడు సిద్ధిక్‌ను అరెస్ట్ చేశారు. ఇప్పటికే ఆయన సుప్రీంకోర్టులో ముందస్తు బెయిల్ పొంది ఉండడంతో సాయంత్రం విడుదలచేశారు.