ACB Raids: తెలంగాణ నీటిపారుదల శాఖ మాజీ ఈఎన్సీ (ఇంజినీర్-ఇన్-చీఫ్) మురళీధర్రావు ఇళ్లు, కార్యాలయాలపై అవినీతి నిరోధక శాఖ (ఏసీబీ) మెరుపు దాడులు నిర్వహించింది. ఆదాయానికి మించి ఆస్తులు కలిగి ఉన్నారనే ఆరోపణల నేపథ్యంలో మంగళవారం ఉదయం నుండి ఏకకాలంలో పలుచోట్ల సోదాలు కొనసాగాయి.
ఏసీబీ వర్గాల సమాచారం ప్రకారం, హైదరాబాద్, కరీంనగర్, జహీరాబాద్తో సహా మొత్తం పది ప్రాంతాల్లో ఈ సోదాలు జరిగాయి. ఇందులో మురళీధర్రావు నివాసాలు, అలాగే ఆయన బంధువులు, సన్నిహితుల ఇళ్లు, కార్యాలయాలు ఉన్నట్లు తెలుస్తోంది.
Also Read: Pulivendula YS Police: జగన్ బంధువు కోసం రూ.10 కోట్ల ‘సెటిల్మెంట్’
నీటిపారుదల శాఖలో ఈఎన్సీగా పనిచేసిన కాలంలో మురళీధర్రావు భారీగా అక్రమాస్తులను కూడబెట్టారని ఆరోపణలు వెల్లువెత్తాయి. ఈ ఆరోపణల ఆధారంగానే ఏసీబీ అధికారులు ఈ రోజు దాడులు నిర్వహించారు. బంజారాహిల్స్లోని ఆయన నివాసంలో సోదాలు చేస్తున్న సమయంలోనే ఏసీబీ అధికారులు ఆయన్ను అదుపులోకి తీసుకున్నారు.
సోదాల్లో భాగంగా అధికారులు అనేక కీలక పత్రాలను, ఆస్తి సంబంధిత డాక్యుమెంట్లను పరిశీలిస్తున్నట్లు సమాచారం. ఈ సోదాల ద్వారా బయటపడిన వివరాలను బట్టి తదుపరి చర్యలు ఉంటాయని ఏసీబీ అధికారులు తెలిపారు. రాష్ట్రంలో అవినీతి నిరోధానికి ఏసీబీ కట్టుబడి ఉందని, అక్రమాస్తులు కూడబెట్టిన అధికారులపై చర్యలు తప్పవని ఈ సంఘటన మరోసారి నిరూపించింది. ఈ కేసులో మరింత సమాచారం వెలువడాల్సి ఉంది.