Viral Video: భారతదేశంలో ఇండిగో విమానయాన సంస్థ ఇటీవల అనేక సమస్యలతో వార్తల్లో నిలుస్తోంది. వందలాది విమానాలు రద్దు అవ్వడం, ఆలస్యం కావడం వల్ల ఎయిర్పోర్టుల్లో ప్రయాణికులు తీవ్ర ఇబ్బందులు పడుతున్నారు. ఈ కారణంగా ప్రయాణికులు ఇండిగో సంస్థపై చాలా కోపంగా ఉన్నారు.
ఇలాంటి పరిస్థితుల్లో, బెంగళూరు నుండి వడోదర వెళ్లాల్సిన ఒక ఇండిగో విమానంలో ఊహించని సంఘటన జరిగింది. విమానం టేకాఫ్ అవ్వడానికి సిద్ధమవుతుండగా, ఒక పావురం అకస్మాత్తుగా విమానం లోపలికి ఎగిరింది. ఈ పావురాన్ని చూసి ప్రయాణికులు, విమాన సిబ్బంది మొదట ఆశ్చర్యపోయారు, తర్వాత కొద్దిగా గందరగోళానికి గురయ్యారు.
ఆ పక్షి సీట్లపై ఎగురుతూ, లోపలంతా చక్కర్లు కొడుతూ కనిపించింది. సిబ్బందితో పాటు కొంతమంది ప్రయాణికులు దాన్ని పట్టుకోవడానికి చాలా ప్రయత్నించారు. ఈ మొత్తం సంఘటనను ఎవరో వీడియో తీసి సోషల్ మీడియాలో పెట్టారు.
A pigeon 🕊️ was spotted on board an @IndiGo6E flight. #gujrat #AviationNews #avgeeks pic.twitter.com/hFC3mlqKYc
— Ashoke Raj (@Ashoke_Raj) December 4, 2025
ఈ వీడియో ఇప్పుడు ఇంటర్నెట్లో చాలా వైరల్ అవుతోంది. వేలాది మంది ఈ వీడియోను చూసి నవ్వుకుంటున్నారు. నెటిజన్లు సరదా కామెంట్లు పెడుతూ, లైకులు, షేర్లు చేస్తున్నారు. “టికెట్ కొనకుండా ఫ్రీగా ప్రయాణించాలనుకుంది” అంటూ కొందరు ఫన్నీ కామెంట్స్ చేస్తున్నారు. ఈ పావురం చేసిన హడావిడి కారణంగా విమానంలో కాసేపు అలజడి ఏర్పడింది.