Mowgli: ‘కలర్ ఫోటో’ దర్శకుడు సందీప్ రాజ్ తీస్తున్న ‘మోగ్లీ’ సినిమా టీజర్ను జూనియర్ ఎన్టీఆర్ రిలీజ్ చేస్తున్నాడు. రోషన్ కనకాల హీరోగా నటిస్తున్న ఈ చిత్రం ప్రేక్షకుల్లో ఆసక్తి రేకెత్తిస్తోంది.
దర్శకుడు సందీప్ రాజ్ రెండో చిత్రం ‘మోగ్లీ’. ఇప్పటికే ప్రేక్షకుల్లో మంచి బజ్ సృష్టించిన ఈ సినిమాలో రోషన్ కనకాల కథానాయకుడు. సాక్షి మదోల్కర్ కథానాయిక. బండి సరోజ్ కుమార్ విలన్ పాత్రలో కనిపించనున్నాడు. కాల భైరవ సంగీతం అందిస్తున్నారు. పీపుల్ మీడియా ఫ్యాక్టరీ బ్యానర్పై టీజి విశ్వ ప్రసాద్ ఈ చిత్రాన్ని నిర్మిస్తున్నారు. ఈ సినిమా టీజర్ను నవంబర్ 12న రిలీజ్ చేస్తున్నట్లు మేకర్స్ ప్రకటించారు. ఈ టీజర్ను మాత్రం మ్యాన్ ఆఫ్ మాసెస్ జూనియర్ ఎన్టీఆర్ ఆవిష్కరించనున్నారు. దీంతో టీజర్పై ఆసక్తి మరింత పెరిగింది. రోషన్ కనకాల హీరోగా నటిస్తున్న ఈ చిత్రం ప్రేక్షకులను ఆకట్టుకునేలా ఉంటుందని అంచనా వేస్తున్నారు. సందీప్ రాజ్ దర్శకత్వంలో రూపొందుతున్న ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. మరి ఈ సినిమా ఎలా ఆకట్టుకుంటుందో చూడాలి.
Beta feature