Tirumala: తిరుమల రెండో ఘాట్ రోడ్డులో తాజాగా కొండ చిలువ కనిపించి భక్తులను ఆశ్చర్యానికి గురి చేసింది. మంగళవారం రాత్రి సుమారు 9 గంటల సమయంలో, భక్తులు ప్రయాణిస్తున్న దారిలో ఈ భారీ పాము రోడ్డుపై కనిపించింది.
వినాయక స్వామి ఆలయాన్ని దాటి కారులో వెళ్తున్న కొందరు భక్తులు ఈ కొండ చిలువను చూశారు. వెంటనే అప్రమత్తమై తమ ఫోన్లలో దానిని వీడియో తీశారు. కొండ చిలువ రోడ్డుపై అటూ ఇటూ పాకుతూ కనిపించడం ఆ వీడియోలో ఉంది.
ప్రస్తుతం ఈ వీడియో సోషల్ మీడియాలో వైరల్గా మారింది. అడవి జంతువులు తరచుగా కనిపించే తిరుమల ఘాట్ రోడ్లపై, కొండ చిలువ కనిపించడం భక్తులలో కొంత ఆందోళన కలిగించినా, అది ఎవరికీ ఎలాంటి హానీ చేయకుండా అడవిలోకి వెళ్లిపోయినట్లు తెలుస్తోంది.
View this post on Instagram