Sudigali Sudheer: జైశ్నవ్ ప్రొడక్షన్, మాహాతేజ క్రియేషన్స్ బ్యానర్లపై మొగుళ్ళ చంద్రశేఖర్ ఈ ఫుల్ లెంగ్త్ కామెడీ ఎంటర్టైనర్ను నిర్మిస్తున్నారు. ఈ చిత్రానికి ప్రధాన ఆకర్షణ దీని క్రికెట్ నేపథ్యం. క్రికెట్ ఆటలోని ఉత్కంఠత, సరదా సంఘటనలు, హీరో ప్రయాణంలో ఎదురయ్యే హాస్యం కలగలిపి ఈ సినిమాను తీర్చిదిద్దారు.
‘అద్భుతం’, ‘టేనంట్’ వంటి వైవిధ్యమైన చిత్రాలను నిర్మించిన నిర్మాత మొగుళ్ళ చంద్రశేఖర్ ఈ సినిమా అవుట్పుట్పై పూర్తి కాన్ఫిడెంట్గా ఉన్నారు. “నేను నిర్మించిన చిత్రాల్లో ప్రేక్షకులు హాయిగా నవ్వుకునే మంచి ఎంటర్టైనర్గా ‘G.O.A.T.’ నిలుస్తుందని ధీమాగా చెప్పగలను” అని ఆయన ప్రకటించారు.
Also Read: Prasanth Varma: ప్రశాంత్ వర్మ వివాదంపై డీవీవీ ఎంటర్టైన్మెంట్స్ స్పష్టీకరణ!
ఈ చిత్రంలో సుధీర్కు జోడీగా టాలెంటెడ్ నటి దివ్యభారతి కథానాయికగా నటిస్తోంది. వీరిద్దరి కెమిస్ట్రీ సినిమాకు హైలైట్గా నిలుస్తుందని మేకర్స్ భావిస్తున్నారు. ఈ సినిమాలో మొట్ట రాజేంద్రన్, సర్వదమన్ బెనర్జీ, నితిన్ ప్రసన్న, పృథ్వి, చమ్మక్ చంద్ర, నవీన్ నేని వంటి సీనియర్, హాస్యనటులు కీలక పాత్రలు పోషించడం సినిమాకు అదనపు బలం కానుంది.
బుల్లితెరపై తనకంటూ ప్రత్యేక ఫ్యాన్ బేస్ను, ముఖ్యంగా అమ్మాయిల ఫాలోయింగ్ను సంపాదించుకున్న సుడిగాలి సుధీర్, ఈ ‘G.O.A.T.’ చిత్రం ద్వారా తన కెరీర్కు మరో పెద్ద కమర్షియల్ హిట్ను నమోదు చేసుకోవాలని చూస్తున్నారు. ఇప్పటికే విడుదలైన గ్లింప్స్ ప్రేక్షకులను ఆకట్టుకున్నాయి.
ప్రస్తుతం పోస్ట్ ప్రొడక్షన్ పనులు చురుగ్గా సాగుతుండగా, చిత్ర బృందం త్వరలోనే టీజర్, పాటలు వంటి ప్రమోషన్స్ ప్రారంభించి, సినిమాను గ్రాండ్గా విడుదల చేయడానికి సన్నాహాలు చేస్తోంది. ఈ కామెడీ ఎంటర్టైనర్ ఫ్యామిలీ ఆడియన్స్ను మరియు యూత్ను థియేటర్లకు రప్పించడం ఖాయమని సినీ వర్గాలు అంచనా వేస్తున్నాయి.