Azharuddin: తెలంగాణ రాజకీయాల్లో మరో ముఖ్యమైన పరిణామం జరిగింది. మాజీ భారత క్రికెట్ కెప్టెన్, కాంగ్రెస్ నాయకులు మహమ్మద్ అజారుద్దీన్ త్వరలో రాష్ట్ర కేబినెట్లోకి రానున్నారు. మరో రెండు రోజుల్లో ఆయన మంత్రిగా ప్రమాణ స్వీకారం చేయబోతున్నారు. ఇటీవల రాష్ట్ర ప్రభుత్వం గవర్నర్ కోటా ద్వారా అజారుద్దీన్ పేరును ఎమ్మెల్సీ పదవికి పంపగా, దానికి ఆమోదం లభించింది. ఇప్పుడు, ఆయన్ను మంత్రివర్గంలోకి తీసుకోవాలని ముఖ్యమంత్రి రేవంత్ రెడ్డి గారు నిర్ణయించారు. మంగళవారం సాయంత్రం అజారుద్దీన్ ముఖ్యమంత్రి రేవంత్ రెడ్డిని కలిసి, తనకు ఇచ్చిన ఈ మంచి అవకాశానికి కృతజ్ఞతలు తెలిపారు.
ఈ సందర్భంగా అజారుద్దీన్ మాట్లాడుతూ, తాను పార్టీ పట్ల నిబద్ధతతో పనిచేస్తానని, తెలంగాణ రాష్ట్ర అభివృద్ధి కోసం కష్టపడతానని చెప్పారు. అజారుద్దీన్ మంత్రి పదవిలోకి రావడం వల్ల ఓల్డ్ సిటీ ప్రాంతంలోని కాంగ్రెస్ నాయకులు, కార్యకర్తల్లో కొత్త ఉత్సాహం వచ్చే అవకాశం ఉంది. ముఖ్యంగా, ఓల్డ్ సిటీలో ఉండే ముస్లిం ఓటర్లను ఆకర్షించడానికి, మైనారిటీ వర్గాల మద్దతును మరింత పెంచుకోవడానికి కాంగ్రెస్ తీసుకున్న కీలక నిర్ణయం ఇది. ప్రముఖ క్రికెటర్గా, భారత జట్టుకు కెప్టెన్గా ఉన్న అజారుద్దీన్, గతంలో 2019లో తెలంగాణ కాంగ్రెస్ కమిటీ అధ్యక్షుడిగా కూడా పనిచేశారు. ఇప్పుడు రాష్ట్ర కేబినెట్లో ముఖ్యమైన బాధ్యతలు తీసుకోబోతున్నారు.