Bigg Boss 9: రసవత్తరంగా సాగుతున్న బిగ్ బాస్ తెలుగు 9వ సీజన్ ఇప్పుడు ఐదో వారంలోకి అడుగుపెట్టి, ఉత్కంఠను పెంచింది. ఈ వారం ఎలిమినేషన్ ప్రక్రియలో బిగ్ బాస్ ఒక బిగ్ ట్విస్ట్ ఇచ్చి, హౌస్‌మేట్స్‌కు షాక్ ఇచ్చాడు.
కొత్త పద్ధతిలో నామినేషన్స్: ట్విస్ట్‌తో కూడిన టాస్క్
సాధారణంగా జరిగే ‘ఒకరు ఇద్దరిని నామినేట్ చేయడం’ పద్ధతికి భిన్నంగా, ఈ వారం టాస్క్ ఆధారిత నామినేషన్ ప్రక్రియను నిర్వహించారు. కెప్టెన్‌గా ఉన్న రాము రాథోడ్, ఫ్లోరా సైనీ తప్ప మిగిలిన కంటెస్టెంట్స్ అందరూ నేరుగా నామినేట్ అయినట్లు బిగ్ బాస్ ప్రకటించారు.
అయితే, నామినేషన్ నుంచి తప్పించుకునేందుకు ఇమ్యూనిటీ పొందే అవకాశాన్ని కల్పించారు. దీని కోసం గార్డెన్ ఏరియాలో ఏర్పాటు చేసిన పెద్ద బెడ్‌పై నామినేట్ అయిన వారంతా నిలబడాలి. ఎండ్ బజర్ మోగేంత వరకు ఎవరైతే చివరి వరకు బెడ్‌పై ఉంటారో, వారు నామినేషన్ నుంచి సేవ్ అవుతారని రూల్ పెట్టారు.
టాస్క్ మొదలవగానే సంజనా కాలు కింద పెట్టి మొదట అవుట్ కాగా, ఆ తర్వాత దివ్య నికితాను తోసేయడం హౌస్‌లో ఉద్రిక్తతకు దారి తీసింది. దివ్య నికితా సవాల్ విసరడం ఆసక్తికరంగా మారింది. అనంతరం డీమాన్ పవన్, రీతూ చౌదరి, శ్రీజ కూడా అవుట్ అయ్యారు.
ఇమ్మాన్యుయెల్‌కు ఇమ్యూనిటీ: 10 మంది డేంజర్ జోన్‌లో
బెడ్ టాస్క్ తర్వాత చివరికి మిగిలిన ఇమ్మాన్యుయెల్‌, భరణి, కల్యాణ్, తనూజల కోసం ‘గాలి, నిప్పు, నీరు’ అనే మరో కొత్త ఇమ్యూనిటీ టాస్క్ నిర్వహించారు. ఇందులో తన స్ట్రాంగ్ గేమ్‌ప్లేతో ఇమ్మాన్యుయెల్‌ విజేతగా నిలిచాడు. దీంతో, కెప్టెన్ రాము, ఇమ్మాన్యుయెల్‌ మినహా, మొత్తం 10 మంది కంటెస్టెంట్స్ – సంజనా, దివ్య నికితా, ఫ్లోరా సైనీ, రితూ చౌదరి, శ్రీజ దమ్ము, పవన్, భరణి, తనూజ, సుమన్ శెట్టి ఈ వారం నామినేషన్లలో ఉన్నారు.
Also Read: Bad Boy Karthik: నాగ శౌర్య రీఎంట్రీ: ‘బ్యాడ్ బాయ్ కార్తీక్’ టీజర్ రిలీజ్!
డేంజర్ జోన్, డబుల్ ఎలిమినేషన్ అంచనా
ప్రస్తుత ట్రెండ్‌లు, ఓటింగ్ సరళిని బట్టి చూస్తే, శ్రీజ దమ్ము, దివ్య నికితా, రీతూ చౌదరి లు డేంజర్ జోన్‌లో ఉన్నట్లు తెలుస్తోంది. గత వారం త్రుటిలో తప్పించుకున్న శ్రీజ మళ్లీ రిస్క్‌లో ఉండగా, దివ్య నికితా వైల్డ్ కార్డ్ ఎంట్రీ కావడంతో సరైన ఫ్యాన్ బేస్ లేకపోవడం ఆమె ఓటింగ్‌పై ప్రభావం చూపుతోంది. సెలబ్రిటీ కంటెస్టెంట్లలో రీతూ చౌదరికి కూడా ఓటింగ్ తక్కువగా ఉంది.
ఈ వారం డబుల్ ఎలిమినేషన్ ఉండే అవకాశం ఉందని, కొత్త వైల్డ్ కార్డ్ కంటెస్టెంట్స్ హౌస్‌లోకి ప్రవేశించే అవకాశం ఉన్నందున, షో మరింత రసవత్తరంగా మారనుంది. నాలుగో వారం హరిత హరీష్ ఎలిమినేట్ అవడం హౌస్‌మేట్స్‌పై ప్రభావం చూపింది.
నామినేషన్స్ తర్వాత హౌస్‌మేట్స్ మధ్య ఎమోషనల్ మూమెంట్స్ కూడా చోటు చేసుకున్నాయి. టాస్క్‌లో తనకు సపోర్ట్ చేయలేదని రీతూ చౌదరి బాధపడగా, దివ్య నికితా కూడా కన్నీళ్లు పెట్టుకుంది. అలాగే భరణి కూడా తోటి కంటెస్టెంట్స్ విమర్శలను ఎదుర్కొన్నారు. ఈ వారం ఎవరు ఎలిమినేట్ అవుతారనేది ఇప్పుడు హాట్ టాపిక్‌గా మారింది.