Delhi: దేశ అత్యున్నత న్యాయస్థానం సుప్రీంకోర్టులో సంచలన ఘటన జరిగింది. ప్రధాన న్యాయమూర్తి (సీజేఐ) బీ.ఆర్. గవాయ్పై ఓ న్యాయవాది బూటుతో దాడి ప్రయత్నించడం తీవ్ర కలకలం రేగించింది. ఈ ఘటనపై బార్ కౌన్సిల్ ఆఫ్ ఇండియా (బీసీఐ) తక్షణమే కఠిన చర్యలు తీసుకుంది.
బీసీఐ స్పందన: కఠిన సస్పెన్షన్
బీసీఐ చైర్మన్ మనన్ కుమార్ మిశ్రా ఈ ఘటనపై తీవ్ర ఆగ్రహం వ్యక్తం చేశారు. రాకేశ్ కిశోర్ ప్రవర్తన న్యాయవాదుల వృత్తిపరమైన ప్రవర్తనా నియమావళికి, కోర్టు గౌరవానికి విరుద్ధంగా ఉంది అని ఆయన పేర్కొన్నారు.
మధ్యంతర ఉత్తర్వుల ప్రకారం:
రాకేశ్ కిశోర్ తక్షణమే ప్రాక్టీస్ నుండి సస్పెండ్ చేశారు.సస్పెన్షన్ సమయంలో అతను దేశంలోని ఏ కోర్టులో, ట్రైబ్యునల్‌లో లేదా ఇతర అధికారిక వేదికలలో వాదించడం, ప్రాక్టీస్ చేయడం నిషేధం.
న్యాయవాది హోదాలో జారీ చేసిన గుర్తింపు కార్డులు ప్రాక్సిమిటీ పాస్‌లు చెల్లవని స్థితిలో ఉన్నాయి.
ఈ ఉత్తర్వులు సుప్రీంకోర్టు, అన్ని హైకోర్టులు, జిల్లా కోర్టుల రిజిస్ట్రీలతో పాటు అన్ని బార్ అసోసియేషన్లకు పంపిణీ చేయాల్సి ఉంద
తదుపరి చర్యలు, షోకాజ్ నోటీసు
రాకేశ్ కిశోర్ 48 గంటలలో ఏ కేసులోనూ వాదించడం లేదని ధృవీకరిస్తూ అఫిడవిట్ దాఖలు చేయాలి.
బీసీఐ 15 రోజుల్లో సస్పెన్షన్ కొనసాగించకూడదని, తదుపరి క్రమశిక్షణా చర్యలు ఎందుకు తీసుకోకూడదని వివరణ ఇవ్వమని షోకాజ్ నోటీసు జారీ చేయనుంది.
ఇది మధ్యంతర ఉత్తర్వు మాత్రమే, న్యాయవాదుల చట్టం, 1961 ప్రకారం తదుపరి చర్యలు ఉంటాయని బీసీఐ స్పష్టం చేసింది.