Robin Uthappa: భారత మాజీ క్రికెటర్ రాబిన్ ఉతప్ప మరోసారి వార్తల్లో నిలిచారు. చట్టవిరుద్ధ బెట్టింగ్ యాప్‌ల ప్రమోషన్ కేసులో ఎన్‌ఫోర్స్‌మెంట్ డైరెక్టరేట్ (ED) ఇవాళ ఆయనకు నోటీసులు జారీ చేసింది.
విచారణకు హాజరుకావాల్సిన తేదీ
ఈడీ అధికారుల ప్రకారం, ఉతప్ప సోషల్ మీడియా ప్లాట్‌ఫారమ్‌ల ద్వారా పలు బెట్టింగ్ యాప్‌లకు ప్రచారం చేసినట్టు తేలింది. దీనిపై విచారణ కోసం ఈ నెల 22న హాజరుకావాలని నోటీసులో పేర్కొన్నారు.
PMLA కింద విచారణ
బెట్టింగ్ యాప్‌ల కేసు మనీలాండరింగ్ నిరోధక చట్టం (PMLA) కింద కొనసాగుతోంది. ఉతప్ప హాజరైన తర్వాత ఆయన స్టేట్‌మెంట్‌ను ఈడీ అధికారులు రికార్డ్ చేయనున్నారు.
ఇది కూడా చదవండి: India-US Trade War: ట్రంప్ 50% సుంకాలు విధించిన తర్వాత.. ఢిల్లీకి అమెరికా ప్రతినిధుల బృందం
ఇదే కేసులో రైనా, ధావన్ విచారణ
ఇంతకుముందు గత నెలలో మాజీ క్రికెటర్ సురేష్ రైనా, టీమిండియా ఆటగాడు శిఖర్ ధావన్ కూడా ఇదే కేసులో ఈడీ విచారణకు హాజరైన సంగతి తెలిసిందే.
ఉతప్పపై గత వివాదం
ఇది రాబిన్ ఉతప్పపై వచ్చిన మొదటి చట్టపరమైన ఇబ్బంది కాదు.
-
2024 డిసెంబర్‌లో, ఆయనపై అరెస్ట్ వారెంట్ జారీ అయ్యింది.
-
కారణం: ఆయన సెంటారస్ లైఫ్‌స్టైల్ బ్రాండ్స్ డైరెక్టర్‌గా ఉన్నప్పుడు ఉద్యోగుల ప్రావిడెంట్ ఫండ్ (EPF) బకాయిలు చెల్లించకపోవడం.
-
రీజనల్ ప్రావిడెంట్ ఫండ్ కమిషనర్ దీనిపై పోలీసులకు ఫిర్యాదు చేసి, వారెంట్ జారీ అయ్యింది.