Kanaka Durga Temple: విజయవాడ కనకదుర్గ అమ్మవారి ఆలయంలో శరన్నవరాత్రి దసరా మహోత్సవాలు ఈ నెల 22వ తేదీ నుంచి అక్టోబర్ 2వ తేదీ వరకు వైభవంగా జరుగనున్నాయి. ఈ సందర్భంగా భక్తులు పాల్గొనే ప్రత్యేక ఆర్జిత సేవల టికెట్లను దేవస్థానం ఈవో శీనానాయక్ విడుదల చేశారు. ఈ టికెట్లు దేవస్థానం వెబ్‌సైట్‌తో పాటు ప్రభుత్వ వాట్సాప్ సేవల నెంబర్ 95523 00009 ద్వారా కూడా పొందవచ్చు.
ఆన్‌లైన్‌ ద్వారా పూజా దర్శనం
ఉత్సవాలకు ప్రత్యక్షంగా హాజరుకాలేని భక్తులు రూ.1,500 చెల్లించి వీడియో లింక్ ద్వారా పూజలను వీక్షించే అవకాశం కల్పించారు.
ప్రత్యేక పూజలు – రుసుములు
-
ఖడ్గమాలార్చన : సెప్టెంబర్ 23 నుంచి అక్టోబర్ 2 వరకు ఉదయం 5 నుంచి 6 గంటల వరకు నిర్వహిస్తారు. రుసుం రూ.5,116. (22న దసరా ప్రారంభం రోజున స్నపన కార్యక్రమం ఉండటంతో ఈ ఆర్చన జరగదు).
-
కుంకుమార్చన : మూలా నక్షత్రం రోజున రూ.5,000, మిగతా రోజుల్లో రూ.3,000.
-
చండీయాగం : ఉదయం 9 గంటలకు ప్రారంభమయ్యే ఈ యాగానికి రుసుం రూ.4,000.
ప్రత్యక్షంగా పాల్గొనే భక్తులు సంప్రదాయ వస్త్రధారణలో మాత్రమే రావాలి. మొబైల్ ఫోన్లు, కెమెరాలు, ఇతర ఎలక్ట్రానిక్ వస్తువులను అనుమతించరు.
ఇది కూడా చదవండి: Bandi Sanjay: పాలకులపై ప్రజలకు విశ్వాసం పోయింది: బండి సంజయ్
భక్తుల సౌకర్యం కోసం ఉచిత బస్సులు
ఉదయం 3.30 నుంచి 10.30 గంటల వరకు వన్‌టౌన్ గాంధీజీ మున్సిపల్ హైస్కూల్, భవానీఘాట్ ప్రాంతాల నుంచి దేవస్థానం ఏర్పాటు చేసిన ఉచిత బస్సులు కొండపైకి భక్తులను తరలిస్తాయి. ఈ సమయంలో సొంత వాహనాలను అనుమతించరని అధికారులు స్పష్టం చేశారు.
వాట్సాప్‌లో టికెట్ బుకింగ్ విధానం
-
95523 00009 నెంబర్‌కు “Hi” అని మెసేజ్ పంపాలి.
-
అందులో టెంపుల్ బుకింగ్ సర్వీసెస్ ఎంచుకోవాలి.
-
దర్శనం, టెంపుల్ సేవ, డొనేషన్ వంటి ఆప్షన్లలో కావలసినది ఎంపిక చేసుకోవచ్చు.
-
తెలుగు లేదా ఇంగ్లీషు భాషలో బుకింగ్ చేయవచ్చు.
-
ఎంపిక చేసిన సేవకు టైమ్ స్లాట్ ఎంచుకోవాలి.
-
భక్తుల వివరాలు (ఆధార్, గోత్రం, పుట్టిన తేదీ) నమోదు చేసి కన్ఫర్మ్ నొక్కాలి.
-
పేమెంట్ పూర్తి చేసి, వచ్చిన ఈ-టికెట్‌ను ప్రింట్ తీసుకోవచ్చు.
ఈ సదుపాయం ద్వారా దేశం నలుమూలల నుండి భక్తులు దసరా సమయంలో కనకదుర్గ అమ్మవారిని సులభంగా దర్శించుకోవచ్చు.