Matthew Hayden: 2025-26లో ఎంతో ఆసక్తిగా ఎదురుచూస్తున్న యాషెస్ టెస్ట్ సిరీస్ ఆస్ట్రేలియాలో జరుగుతుంది. గత ఐదు సంవత్సరాలలో ఇప్పటికే 20 కి పైగా సెంచరీలు చేసి, టెస్ట్ క్రికెట్‌లో లెజెండ్‌గా గుర్తింపు పొందిన ఇంగ్లాండ్ ఆటగాడు జో రూట్‌ను చూడటానికి క్రికెట్ అభిమానులు ఆసక్తిగా ఎదురుచూస్తున్నారు. ఆశ్చర్యకరంగా, ఇంగ్లాండ్ ప్రముఖ బ్యాట్స్‌మన్ జో రూట్ ఇంకా ఆస్ట్రేలియాలో టెస్ట్ సెంచరీ చేయలేదు. జో సెంచరీ చేయకుండా ఆపడానికి ఆసీస్ బౌలర్లు సిద్ధమవుతున్నారు. కానీ ఈసారి, రూట్ సెంచరీ చేస్తే తాను కూడా మెల్‌బోర్న్ క్రికెట్ గ్రౌండ్ (MCG) చుట్టూ నగ్నంగా తిరుగుతానని లెజెండరీ ఆస్ట్రేలియా క్రికెటర్ మాథ్యూ లెజెండ్ ప్రతిజ్ఞ చేశాడు. ఐదు టెస్ట్‌ల యాషెస్ సిరీస్ నవంబర్ 21న పెర్త్‌లో ప్రారంభమవుతుంది.
రూట్ 2021 నుండి 61 టెస్ట్‌ల్లో 56.63 సగటుతో 5,720 పరుగులు చేశాడు. ఈ కాలంలో 22 సెంచరీలు, 17 హాఫ్ సెంచరీలు ఉన్నాయి, అత్యధిక స్కోరు 262. ప్రపంచంలో ఏ బ్యాట్స్‌మెన్ కూడా రూట్ దగ్గరకు రాలేకపోయాడు. రూట్ చివరి టెస్ట్ సిరీస్ భారత్‌తో జరిగిన 5 మ్యాచ్‌లలో 9 ఇన్నింగ్స్‌లలో 67.14 సగటుతో 3 సెంచరీలు, 1 హాఫ్ సెంచరీతో 537 పరుగులు చేశాడు. ఆ సిరీస్‌లో అతను రెండవ అత్యధిక స్కోరర్. ఇంగ్లాండ్ తరపున అత్యుత్తమ బ్యాట్స్‌మన్‌గా నిలిచాడు.
Also Read: Rinku Singh: రింకూ సింగ్‌ని కరిచినా కోతి.. దెబ్బకి కేజీ బరువు తగ్గిపోయాడు..!
ఆస్ట్రేలియాలో 14 టెస్టుల్లో 35.68 సగటుతో రూట్ 892 పరుగులు చేశాడు. కానీ ఇక్కడ అతను ఒక్క సెంచరీ కూడా చేయలేదు. 9 హాఫ్ సెంచరీలు చేసినప్పటికీ, అతని అత్యధిక స్కోరు 89 మాత్రమే. టెస్ట్ క్రికెట్‌లో అన్ని కాలాలలోనూ అత్యధిక స్కోరర్‌లలో రూట్ రెండవవాడు. 158 మ్యాచ్‌ల్లో 288 ఇన్నింగ్స్‌లలో, అతను 51.29 సగటుతో 13,543 పరుగులు చేశాడు, 39 సెంచరీలు, 66 హాఫ్ సెంచరీలు చేశాడు. అనేక రికార్డులు సృష్టించిన రూట్ ఇప్పటికీ ఆస్ట్రేలియాలో సెంచరీల కరువును ఎదుర్కొంటున్నాడు.