Dhanush: ధనుష్ తెలుగు ప్రేక్షకుల హృదయాల్లో ప్రత్యేక స్థానం సంపాదించాడు. ‘సార్’, ‘కుబేర’ చిత్రాలతో ఆకట్టుకున్న ఈ తమిళ స్టార్ ఇప్పుడు మూడో తెలుగు చిత్రానికి సిద్ధమయ్యాడు. డైరెక్టర్ వేణు ఉడుగుల చెప్పిన కొత్త కథ ధనుష్‌ను ఆకర్షించింది. ‘నీది నాది ఒకే కథ’, ‘విరాటపర్వం’ వంటి చిత్రాలు చేసిన వేణు, ఈ సినిమాతో సక్సెస్‌ను అందుకోవాలని ప్లాన్ చేస్తున్నారు. యూవీ క్రియేషన్స్ బ్యానర్‌లో రూపొందనున్న ఈ చిత్రం కథాంశం గురించి ఇంకా సస్పెన్స్ కొనసాగుతోంది. ధనుష్ వైవిధ్యమైన పాత్రలకు పెట్టింది పేరు కాగా, ఈ సినిమాలో ఆయన ఎలాంటి రోల్‌లో కనిపిస్తాడో అని అభిమానులు ఆసక్తిగా ఎదురుచూస్తున్నారు. అధికారిక ప్రకటన త్వరలో వస్తుందని సమాచారం.
