Hyderabad: తెలంగాణలో సర్పంచుల పదవీకాలం 2024 జనవరి 31న ముగిసిన విషయం తెలిసిందే. గడువు ముగిసి సంవత్సరంన్నర గడిచినా ఇప్పటివరకు గ్రామ పంచాయతీ ఎన్నికలు జరగకపోవడం వివాదాస్పదమైంది. ఈ నేపధ్యంలో రాష్ట్ర ఎన్నికల సంఘం ఎన్నికల ప్రక్రియకు సంబంధించిన కీలక నోటిఫికేషన్ విడుదల చేసింది.
ఎన్నికల షెడ్యూల్:
ఆగస్టు 28: డ్రాఫ్ట్ ఓటర్ల జాబితా ప్రచురణ
ఆగస్టు 29: జిల్లా స్థాయి సమావేశం
ఆగస్టు 30: మండల స్థాయి సమావేశం
ఆగస్టు 28-30: అభ్యంతరాల స్వీకరణ
ఆగస్టు 31: అభ్యంతరాల పరిష్కారం
సెప్టెంబర్ 2 లోపు: అన్ని గ్రామ పంచాయతీలలో తుది ఫోటో ఓటర్ల జాబితా సిద్ధం
జిల్లా పంచాయతీ అధికారులు ఈ ప్రక్రియను సమయానికి పూర్తిచేయాలని ఎన్నికల సంఘం సూచించింది.
హైకోర్టు ఆదేశాలు:
ఈ ఎన్నికల ఆలస్యం కారణంగా దాఖలైన పిటిషన్లపై హైకోర్టు జూన్ 25న తీర్పు ఇచ్చింది. గ్రామ పంచాయతీ ఎన్నికలను మూడు నెలల్లో నిర్వహించాలి, 30 రోజుల్లో వార్డుల విభజన పూర్తిచేయాలి అని హైకోర్టు స్పష్టం చేసింది.
పార్టీల విమర్శలు:
సర్పంచుల లేమితో గ్రామాల అభివృద్ధి ఆగిపోయిందని, ప్రభుత్వం ఎన్నికలను ఉద్దేశపూర్వకంగా వాయిదా వేస్తోందని బీఆర్‌ఎస్‌, బీజేపీలు ఆరోపిస్తున్నాయి.
తీర్పు ప్రకటించిన న్యాయమూర్తి:
ఈ తీర్పును జస్టిస్ టి. మాధవిదేవి వెలువరించారు.