Ravichandran Ashwin: అంతర్జాతీయ క్రికెట్‌కు వీడ్కోలు పలికిన భారత మాజీ స్పిన్నర్ రవిచంద్రన్ అశ్విన్ ప్రస్తుతం దేశీయ క్రికెట్, ఇండియన్ ప్రీమియర్ లీగ్ (IPL)లో తన కెరీర్‌ను కొనసాగిస్తున్నారు. అశ్విన్ 2024 డిసెంబర్‌లో అంతర్జాతీయ క్రికెట్‌లోని అన్ని ఫార్మాట్‌ల నుంచి తప్పుకుంటున్నట్లు ప్రకటించారు. ఆస్ట్రేలియా పర్యటనలో ఉన్న సమయంలో ఈ నిర్ణయం తీసుకుని అందరినీ ఆశ్చర్యపరిచారు.
విదేశీ పర్యటనలలో తుది జట్టులో చోటు దక్కించుకోకపోవడం, వయసు పెరగడం వంటి కారణాల వల్ల తాను ఈ నిర్ణయం తీసుకున్నట్లు అశ్విన్ తన యూట్యూబ్ ఛానెల్‌లో వివరించారు. తుది జట్టులో చోటు దక్కక బెంచ్‌పై కూర్చోవడం తనకు విసుగు తెప్పించిందని, అందుకే ఈ నిర్ణయం తీసుకున్నానని తెలిపారు. అంతర్జాతీయ క్రికెట్‌కు గుడ్‌బై చెప్పినప్పటికీ, అశ్విన్ ఇండియన్ ప్రీమియర్ లీగ్ (IPL)లో తన ప్రయాణాన్ని కొనసాగిస్తున్నారు. 2025 ఐపీఎల్ మెగా ఆక్షన్ లో చెన్నై సూపర్ కింగ్స్ (CSK) అతన్ని తిరిగి కొనుగోలు చేసింది. అశ్విన్ ఒక యూట్యూబ్ ఛానెల్‌ను నడుపుతున్నారు.
ఇది కూడా చదవండి: Donald Trump: డొనాల్డ్ ట్రంప్ సంచలన నిర్ణయం
దీనిలో అతను క్రికెట్ విశ్లేషణలు, క్రీడాకారులతో ఇంటర్వ్యూలు, తన కెరీర్ విశేషాలను పంచుకుంటారు. ఇటీవల, భారత మాజీ కోచ్ రాహుల్ ద్రవిడ్‌తో కలిసి తన రిటైర్మెంట్ నిర్ణయం వెనుక ఉన్న కారణాలను వివరించారు. ఇటీవల, శ్రేయాస్ అయ్యర్‌ను ఆసియా కప్ జట్టు నుంచి తప్పించడంపై అతను తీవ్ర అసంతృప్తి వ్యక్తం చేశారు. జట్టు కోసం ఆడే ఆటగాళ్లకు అన్యాయం జరుగుతోందని, ఇకపై ఆటగాళ్లు వ్యక్తిగత రికార్డులపై దృష్టి పెట్టాలని వ్యాఖ్యానించారు. ఈ వ్యాఖ్యలు క్రికెట్ వర్గాల్లో చర్చనీయాంశమయ్యాయి.