Health Tips: రోజుకు ఎన్నిసార్లు భోజనం చేయాలి అనే ప్రశ్నకు ఒక నిర్దిష్టమైన సమాధానం లేదు. ఎందుకంటే, ఇది వ్యక్తి ఆరోగ్యం, జీవనశైలి, వయస్సు, చేసే శారీరక శ్రమ వంటి అనేక అంశాలపై ఆధారపడి ఉంటుంది. సాధారణంగా ఆరోగ్యవంతమైన వ్యక్తి రోజుకు మూడుసార్లు (ఉదయం, మధ్యాహ్నం, రాత్రి) భోజనం చేయడం మంచిది. ఈ మూడు పూటలా సమతుల్య ఆహారం (బ్యాలెన్స్‌డ్ డైట్) తీసుకోవడం చాలా ముఖ్యం. అంటే, మీ ఆహారంలో ప్రోటీన్లు, కార్బోహైడ్రేట్లు, ఫైబర్ ఆరోగ్యకరమైన కొవ్వులు ఉండేలా చూసుకోవాలి. భోజనాల మధ్య ఆకలిగా అనిపిస్తే, పండ్లు, గింజలు వంటి ఆరోగ్యకరమైన స్నాక్స్ తీసుకోవచ్చు.
ఆయుర్వేదం ప్రకారం, రోజుకు రెండుసార్లు భోజనం చేయడం ఉత్తమం అని చెబుతారు. ఆయుర్వేదంలో, ఉదయం 10-12 గంటల మధ్య, సాయంత్రం 5-7 గంటల మధ్య భోజనం చేయాలని సూచిస్తారు.
ఇది కూడా చదవండి: Papaya Benefits: బొప్పాయి పండు తినడం వల్ల.. ఎన్ని ప్రయోజనాలు ఉంటాయో తెలుసా ?
రాత్రి భోజనం సూర్యాస్తమయానికి ముందే పూర్తి చేయాలని చెబుతారు. బరువు తగ్గాలనుకునేవారు రోజుకు 4-5 సార్లు తక్కువ మోతాదులో ఆహారం తీసుకోవచ్చు. ఇలా చేయడం వల్ల జీవక్రియ (మెటబాలిజం) మెరుగుపడి, కొవ్వు త్వరగా కరుగుతుంది. వీరు రోజుకు 4 సార్లు భోజనం తీసుకోవడం వల్ల శక్తి లభించి, బరువు పెరగడానికి సహాయపడుతుంది.
డయాబెటిస్ ఉన్నవారు ఎక్కువసేపు ఖాళీ కడుపుతో ఉండకూడదు. కాబట్టి, వీరు రోజుకు మూడుసార్లు లేదా అంతకంటే ఎక్కువసార్లు కొద్దికొద్దిగా తినడం మంచిది. ఇది రక్తంలో చక్కెర స్థాయిలను నియంత్రించడంలో సహాయపడుతుంది. నిజంగా ఆకలిగా అనిపించినప్పుడు మాత్రమే తినాలి. బలవంతంగా తినడం మంచిది కాదు. కడుపు నిండా కాకుండా, 80 శాతం మాత్రమే తినాలి. ఇది జీర్ణక్రియకు సహాయపడుతుంది. సూర్యాస్తమయం తర్వాత జీర్ణశక్తి నెమ్మదిస్తుంది కాబట్టి, రాత్రిపూట తేలికపాటి ఆహారం తీసుకోవడం మంచిది. పడుకోవడానికి 2-3 గంటల ముందు రాత్రి భోజనం ముగించాలి. మొత్తంగా, ఒక వ్యక్తికి ఎన్నిసార్లు భోజనం అవసరం అనేది వారి వ్యక్తిగత అవసరాలపై ఆధారపడి ఉంటుంది. ఏదైనా సందేహాలు ఉంటే, వైద్య నిపుణులు లేదా డైటీషియన్ సలహా తీసుకోవడం ఉత్తమం.