అఖండ మూవీ తర్వాత నందమూరి నటసింహం బాలకృష్ణ తీసిన ప్రతీ సినిమా రికార్డ్స్ బద్దలు కొట్టింది. సంక్రాంతికి విడుదలైన వీర సింహారెడ్డి రూ.100 కోట్లకు పైగా వసూలు చేసి కొత్త రికార్డు క్రియోట్ చేసింది. ఆ తర్వాత అనిల్ రావిపూడి డైరెక్ట్ చేసిన భగవంత్ కేసరి మూవీ కూడా సూపర్ హిట్ అయింది. ఇక, ఇప్పుడు 109వ మూవీ మీద అంచనాలు భారీగానే ఉన్నాయి. ఈ మూవీ నుంచి విడుదలైన అయిన టీజర్ కు మంచి రెస్పాన్స్ వచ్చింది.
బాలకృష్ణలోని మాస్ యాంగిల్ ని అద్భుతంగా ప్రజెంట్ చేయడానికి డైరెక్టర్ బాబీ సిద్ధమవుతున్నాడు. దీని గురించి ఫ్యాన్స్ కి కూడా ఒక క్లారిటీ వచ్చేసింది. అయితే, ఈ సినిమా టైటిల్ కి సంబంధించిన ఓ వార్త నెట్టింట హల్చల్ చేస్తుంది. ఈ సినిమాకు ” సర్కార్ సీతారాం” అనే టైటిల్ ను ఓకే చేసినట్లు టాక్ వినిపిస్తుంది. అక్టోబర్ 30న అధికారికంగా ప్రకటన ఇవ్వబోతున్నారని సినీ వర్గాల్లో టాక్ వినిపిస్తోంది. కాగా, మెగాస్టార్ చిరంజీవికి ‘వాల్తేరు వీరయ్య’ లాంటి బ్లాక్ బస్టర్ హిట్ ఇచ్చిన డైరెక్టర్ బాబీ కావడంతో ఈ సినిమాపై అంచనాలు భారీగానే ఉన్నాయి.
కాగా, సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ సంయుక్తంగా నిర్మిస్తున్న ఈ సినిమాలో బాబీ డియోల్ విలన్ గా కనిపించనుండగా.. బాలీవుడ్ బ్యూటీ ఊర్వశీ రౌతేలా, తెలుగమ్మాయి చాందినీ చౌదరి ప్రముఖ పాత్రలు పోషిస్తున్నారు. థమన్ ఈ చిత్రానికి సంగీతం అందిస్తున్నారు. వచ్చే ఏడాది ఈ చిత్రాన్ని ప్రేక్షకుల ముందుకు తీసుకొచ్చేందుకు మేకర్స్ ప్లాన్ చేస్తున్నారు.