Mahaa Conclave 2025: ఆంధ్రప్రదేశ్‌ ప్రభుత్వం ఆర్థిక పరంగా క్రమశిక్షణను పాటిస్తూ సంక్షేమానికి అత్యధిక ప్రాధాన్యతనిస్తూ ముందుకు సాగుతోంది. ముఖ్యమంత్రి చంద్రబాబు నాయుడు నేతృత్వంలో ప్రభుత్వ చర్యలు అన్ని రంగాలలో స్పష్టంగా కనిపిస్తున్నాయి. ముఖ్యంగా పాలనలో పారదర్శకత, ప్రజల పట్ల నిబద్ధత స్పష్టంగా ప్రతిఫలిస్తోంది.
జీతాల చెల్లింపులో పాలనా బాధ్యత
ప్రభుత్వ ఉద్యోగులకు జీతాలు ఇకపై నెల మొదటి తేదీనే చెల్లించనున్నట్టు ప్రభుత్వం ప్రకటించింది. ఇప్పటి వరకు జీతాల చెల్లింపు ఆలస్యంగా జరగడం వల్ల ఉద్యోగుల్లో తీవ్ర అసంతృప్తి వ్యక్తమైంది. ఇప్పుడు నెల ప్రారంభమైన రోజే జీతాలు రావడం ప్రభుత్వ ప్రతిపత్తిని, నిర్వహణ సామర్థ్యాన్ని చాటుతోంది.
సంక్షేమంలో భారీ కేటాయింపులు – తల్లికి వందనం
తల్లుల సంక్షేమం కోసం రూపొందించిన “తల్లికి వందనం” పథకానికి ఏకంగా ₹8,700 కోట్లను కేటాయించింది. ఈ పథకం ద్వారా తల్లుల ఆరోగ్యం, భద్రతపై ప్రభుత్వం ఎంతో శ్రద్ధ చూపుతోంది. ఇది కేవలం సంక్షేమ కార్యక్రమం మాత్రమే కాక, సామాజిక బాధ్యతగా ప్రభుత్వం దీనిని అమలు చేస్తోంది.
అమరావతి ప్రాజెక్ట్ – రైతుల త్యాగం అపూర్వం
ఆంధ్రప్రదేశ్‌ రాజధాని అమరావతి ప్రాజెక్టుకు 29,000 మంది రైతులు 33,000 ఎకరాల భూమిని స్వచ్ఛందంగా ప్రభుత్వం దగ్గరకు ఇచ్చారు. ఒక పైసా కూడా తీసుకోకుండా భూమిని సమర్పించిన రైతుల త్యాగం భారత చరిత్రలోనే అపూర్వ ఘట్టంగా నిలిచింది కానీ గత ప్రభుత్వ పాలనలో మూడు రాజధానుల సిద్ధాంతంతో అమరావతి అభివృద్ధిని విస్మరించారని విమర్శలు వెల్లువెత్తుతున్నాయి. ఇప్పుడు ఈ ప్రాజెక్టును పునరుద్ధరించేందుకు ప్రభుత్వం కృషి చేస్తోంది.
పోలవరం ప్రాజెక్ట్ – గత పాలనలో ప్రగతి, తర్వాత నిర్లక్ష్యం
చంద్రబాబు నాయుడు మొదటి సారిగా 2014లో ముఖ్యమంత్రిగా బాధ్యతలు స్వీకరించే ముందు పోలవరం ప్రాజెక్ట్ కోసం తెలంగాణ నుంచి 7 మండలాల బదిలీని కేంద్రం ద్వారా అమలు చేయించుకున్నారు. ఆయన గత పాలనలో ఈ ప్రాజెక్ట్ 73% పూర్తయ్యింది, ఇందులో కాంక్రీట్ గోడ నిర్మాణం కూడా ఉంది.
అయితే 2019 తర్వాత వచ్చిన ప్రభుత్వం నిర్లక్ష్యంతో వ్యవహరించడంతో ఈ ప్రాజెక్ట్‌లో తీవ్ర నష్టం జరిగింది. దీనిని మరమ్మత్తులకు ₹1,000 కోట్ల అదనపు ఖర్చు జరగాల్సి వచ్చింది.
ప్రస్తుతం 83% పూర్తి – 2027లో పూర్తి లక్ష్యం
ప్రస్తుతం పోలవరం ప్రాజెక్ట్ 83% పూర్తైంది. మిగతా పనులు వేగంగా పూర్తిచేసి 2027 జూన్ లేదా డిసెంబర్‌లో ప్రాజెక్ట్‌ను పూర్తిగా పూర్తి చేయాలని ప్రభుత్వం లక్ష్యంగా పెట్టుకుంది.
పోలవరం కోసం ప్రమాణ స్వీకారం ఆపేశా..ఈ విషయం గురించి మరింత సమాచారం తెలుసుకోవాలి అంటే ఈ వీడియో చుడండి.