Transgender: ఆంధ్రప్రదేశ్ రాష్ట్రంలో ట్రాన్స్‌జెండర్ సముదాయం కోసం చారిత్రాత్మక నిర్ణయం తీసుకుంది కూటమి సర్కార్. సమాజంలో తాము ఎదుర్కొంటున్న వివక్ష, ఆర్థిక వెనుకబాటును దృష్టిలో పెట్టుకుని వారికి తెల్ల రేషన్ కార్డులు అందించనున్నారు. ఈ మేరకు రాష్ట్ర పౌర సరఫరాల శాఖ సంస్థ చైర్మన్ తోట సుధీర్ అధికారికంగా ప్రకటన చేశారు.
ఈ నిర్ణయం వల్ల ట్రాన్స్‌జెండర్లకు ఆహార భద్రత, ఆర్థిక ఊతం లభించనుండగా, సామాజికంగా వారిని సమానంగా చూసే దిశగా ముందడుగు పడినట్టయింది.
ఇప్పటికే అమలవుతున్న పథకాలు
ట్రాన్స్‌జెండర్లకు గతంలో నుంచే ప్రభుత్వం పలు పథకాలను అమలు చేస్తూ వస్తోంది:
-
ప్రత్యేక గుర్తింపు కార్డులు
-
పింఛన్లు & ఇళ్ల స్థలాల కేటాయింపు
-
స్కిల్ డెవలప్‌మెంట్ ట్రైనింగ్‌లు
-
స్వయం ఉపాధి కోసం సహకార పథకాలు
-
గ్రామీణ ప్రాంతాల్లో NREGS (ఉపాధి హామీ పథకం) కార్డుల మంజూరు
ఈ చర్యలన్నీ వారి ఆత్మగౌరవాన్ని పరిరక్షించడమే కాక, స్వతంత్ర జీవనానికి దోహదపడుతున్నాయి.
సామాజిక సమానత్వం దిశగా ముందడుగు
ఇప్పుడు రేషన్ కార్డుల మంజూరుతో, ట్రాన్స్‌జెండర్లకు ప్రాథమిక అవసరాలపై హక్కుతో పాటు, ప్రభుత్వం వారి పట్ల తీసుకుంటున్న నిబద్ధతను మరింత బలంగా ప్రతిబింబిస్తుంది. ఇది కేవలం సంక్షేమ చర్య మాత్రమే కాక, సామాజిక సమానత్వానికి సూచికగా చెప్పుకోవచ్చు.