Kamal Haasan: లెజెండరీ దర్శకుడు మణిరత్నం, యూనివర్సల్ హీరో కమల్ హాసన్ కాంబినేషన్ అంటే సినీ ప్రేక్షకుల్లో అంచనాలు ఆకాశాన్ని తాకుతాయి. ‘నాయకుడు’ తర్వాత ఇప్పుడు ‘థగ్ లైఫ్’తో మళ్లీ సందడి చేస్తున్నారు. ఈ సినిమా ప్రమోషన్స్‌లో కమల్ సంచలన విషయం బయటపెట్టారు. మణిరత్నంతో హీరోగా కాక, నిర్మాతగా చేయాలనుకున్న ఓ భారీ ప్రాజెక్ట్ గురించి వెల్లడించారు.
ఆ ప్రాజెక్ట్ ఏదో కాదు… మణిరత్నం తెరకెక్కించిన ‘పొన్నియిన్ సెల్వన్’! ఈ భారీ చిత్రాన్ని కమల్ హాసన్ నిర్మాణంలో తీసుకురావాలని ప్లాన్ చేశారట. కానీ, సినిమా బడ్జెట్ వినగానే కమల్ వెనక్కి తగ్గారు. భారీ ఖర్చుతో కూడిన ఈ చిత్రం నుంచి తప్పుకోవడంతో, కమల్ నిర్మాతగా, మణిరత్నం దర్శకుడిగా చేయాల్సిన డ్రీమ్ ప్రాజెక్ట్ మిస్ అయింది. ఈ విషయం తెలియగానే సినీ అభిమానులు షాక్‌కు గురయ్యారు.
ఇప్పుడు ‘థగ్ లైఫ్’తో మళ్లీ ఈ లెజెండరీ కాంబో అదరగొడుతుందని అంతా ఆశిస్తున్నారు. మరి, ఈ సినిమా బాక్సాఫీస్‌ను షేక్ చేస్తుందా? వేచి చూడాలి!