Retro: సూర్య హీరోగా తెరకెక్కుతున్న భారీ చిత్రం ‘రెట్రో’ బాక్సాఫీస్ వద్ద సందడి చేసేందుకు సిద్ధమవుతోంది. ఇప్పటికే విడుదలైన టీజర్, సాంగ్స్ సినిమాపై భారీ అంచనాలు పెంచాయి. ప్రపంచవ్యాప్తంగా మే 1న ‘రెట్రో’ గ్రాండ్ రిలీజ్కు రెడీ అవుతోంది. ఈ నేపథ్యంలో చిత్ర యూనిట్ ఏప్రిల్ 18న చెన్నైలో ప్రీ-రిలీజ్ ఈవెంట్ను అట్టహాసంగా నిర్వహించేందుకు ప్లాన్ చేస్తోంది. ఈ ఈవెంట్కు సూపర్ స్టార్ రజనీకాంత్ను ముఖ్య అతిథిగా ఆహ్వానించినట్లు తమిళ సినీ వర్గాల్లో జోరుగా చర్చ జరుగుతోంది. అదే సమయంలో ట్రైలర్ను కూడా విడుదల చేసే అవకాశం ఉందని తెలుస్తోంది. ‘రెట్రో’ చిత్రానికి ప్రముఖ సంగీత దర్శకుడు సంతోష్ నారాయణన్ సంగీతం అందిస్తున్నారు. ఈ సినిమాతో సూర్య మరోసారి తన సత్తా చాటేందుకు సిద్ధమవుతున్నాడు. టీజర్లోని యాక్షన్ సీన్స్, డైలాగ్స్ ఇప్పటికే అభిమానుల్లో హైప్ క్రియేట్ చేశాయి. మే 1న రిలీజ్తో బాక్సాఫీస్ వద్ద కలెక్షన్స్ సునామీ సృష్టించే అవకాశం ఉందని ట్రేడ్ వర్గాలు అంచనా వేస్తున్నాయి. రజనీకాంత్ ఈవెంట్కు హాజరైతే ఈ సినిమాకు మరింత క్రేజ్ రావడం ఖాయంగా కనిపిస్తోంది. ‘రెట్రో’ సూర్య కెరీర్లో మరో మైలురాయిగా నిలుస్తుందని ఫ్యాన్స్ ఆశిస్తున్నారు.