Sabarimala: మండల–మకరవిళక్కు యాత్ర నేపథ్యంలో శబరిమల అయ్యప్ప స్వామి దర్శనానికి వెళ్లే భక్తుల రద్దీని నియంత్రించేందుకు మరియు ఎలాంటి తొక్కిసలాటలకు తావులేకుండా సాఫీగా దర్శనం కల్పించేందుకు కేరళ పోలీసులు కీలక ఆదేశాలు జారీ చేశారు. ఈ మార్గదర్శకాలను ఏపీ డీజీపీ కార్యాలయానికి కూడా పంపించారు. శబరిమల యాత్రకు బయలుదేరే ప్రతి భక్తుడు ఆన్లైన్ వర్చువల్ క్యూ బుకింగ్, పార్కింగ్ మరియు పర్యావరణ నిబంధనలను తప్పనిసరిగా పాటించాలని అధికారులు స్పష్టం చేశారు.
దర్శనం & బుకింగ్ నిబంధనలు – ముఖ్యాంశాలు..
| అంశం | కొత్త నిబంధన వివరాలు |
| రోజువారీ భక్తుల పరిమితి | ప్రతిరోజూ గరిష్ఠంగా 80,000 మంది భక్తులకు మాత్రమే అయ్యప్ప స్వామి దర్శనానికి అనుమతి ఉంటుంది. |
| ఆన్లైన్ వర్చువల్ క్యూ | భక్తులందరూ ముందస్తుగా ఆన్లైన్లో వర్చువల్ క్యూ టికెట్ బుక్ చేసుకోవడం తప్పనిసరి. కేటాయించిన తేదీ, సమయానికే సన్నిధానానికి చేరుకోవాలి. |
| స్పాట్ బుకింగ్ (నీలక్కల్) | గతంలో పంబ వద్ద ఉన్న రియల్-టైమ్ స్పాట్ బుకింగ్ కౌంటర్లను నీలక్కల్ ప్రాంతానికి మార్చారు. ఇక్కడ రోజుకు గరిష్ఠంగా 10,000 మందికి మాత్రమే స్పాట్ బుకింగ్ అవకాశం ఉంటుంది. |
| అటవీ మార్గ భక్తులు | ఎరుమేలి–పంబ, వండిపెరియార్ సత్రం–పుల్లుమేడు అటవీ మార్గాల ద్వారా కాలినడకన వచ్చే భక్తుల వద్ద కూడా చెల్లుబాటు అయ్యే రశీదు ఉండాలి. ఈ మార్గాల్లో రోజుకు 2,000 మందికి స్పాట్ బుకింగ్ ఏర్పాటు చేశారు. |
ప్రయాణం & పార్కింగ్ నిబంధనలు (పంబ వద్ద నో పార్కింగ్)..
-
నీలక్కల్లోనే వాహనాల పార్కింగ్: పంబ వద్ద పార్కింగ్ సదుపాయాలు పరిమితంగా ఉన్నందున, సొంత వాహనాల్లో వచ్చే భక్తులు తమ వాహనాలను నీలక్కల్ బేస్ క్యాంప్ వద్దే పార్క్ చేయాలి. అక్కడి నుంచి కేరళ ఆర్టీసీ (KSRTC) చైన్ సర్వీస్ బస్సుల ద్వారా పంబకు చేరుకోవాలి.
-
రహదారిపై పార్కింగ్ నిషేధం: కేరళ హైకోర్టు ఆదేశాల మేరకు నీలక్కల్ నుంచి పంబ వరకు రహదారికి ఇరువైపులా వాహనాలను పార్క్ చేయడం పూర్తిగా నిషేధం. నిబంధనలు ఉల్లంఘిస్తే కఠిన చర్యలు తీసుకుంటారు.
-
భారీ వాహనాలకు అనుమతి లేదు: 14 మంది ప్రయాణికుల సామర్థ్యం వరకు ఉన్న వాహనాలు భక్తులను పంబ వద్ద దించి, తిరిగి పార్కింగ్ కోసం నీలక్కల్కు రావాలి. 14 సీట్ల కంటే ఎక్కువ సామర్థ్యం ఉన్న ప్రైవేట్ బస్సులు, భారీ వాహనాలను పంబ వరకు అనుమతించరు.
పంబా నది పరిశుభ్రతపై ప్రత్యేక హెచ్చరిక..
