Crime News: హైదరాబాద్ సైదాబాద్లోని సింగరేణి కాలనీలో సంచలనం సృష్టించిన షార్ట్ఫిల్మ్ నటి అమూల్య శ్రీ ఆత్మహత్య కేసు మరో అనూహ్య మలుపు తిరిగింది. ఈ కేసులో ప్రధాన నిందితుడిగా ఆరోపణలు ఎదుర్కొంటున్న మేఘావత్ నారాయణ అలియాస్ మహేష్ (19) ఇంట్లో ఉరివేసుకుని ఆత్మహత్య చేసుకున్నాడు. కోర్టు నుంచి బెయిల్పై బయటకు వచ్చిన కొద్దిరోజుల వ్యవధిలోనే నిందితుడు బలవన్మరణానికి పాల్పడటం స్థానికంగా తీవ్ర కలకలం రేపుతోంది.
సింగరేణి కాలనీలోని తన నివాసంలో ఎవరూ లేని సమయంలో మహేష్ ఫ్యాన్కు ఉరివేసుకున్నాడు. గమనించిన కుటుంబ సభ్యులు వెంటనే సైదాబాద్ పోలీసులకు సమాచారం అందించారు. ఘటనా స్థలానికి చేరుకున్న పోలీసులు మృతదేహాన్ని స్వాధీనం చేసుకుని పోస్టుమార్టం నిమిత్తం ఉస్మానియా ఆసుపత్రికి తరలించారు.
జైలు నుంచి బెయిల్పై విడుదలైన కొద్దిరోజులకే ఘోరం:
సింగరేణి కాలనీలోనే సుమారు మూడు నెలల క్రితం షార్ట్ఫిల్మ్ నటి అమూల్య శ్రీ అనుమానాస్పద స్థితిలో ఆత్మహత్య చేసుకుంది. ఆమె మృతికి కారణమంటూహైదరాబాద్ సైదాబాద్లోని సింగరేణి కాలనీలో సంచలనం రేపిన షార్ట్ఫిల్మ్ నటి అమూల్య శ్రీ ఆత్మహత్య కేసులో ప్రధాన నిందితుడు మేఘావత్ నారాయణ అలియాస్ మహేష్ (19) బలవన్మరణానికి పాల్పడ్డాడు. చంచల్గూడ జైలు నుంచి ఇటీవలే బెయిల్పై విడుదలైన అతడు, ఇంట్లో ఎవరూ లేని సమయంలో ఫ్యాన్కు ఉరివేసుకుని ప్రాణాలు తీసుకున్నాడు.
కేసు పూర్వాపరాలు & కుటుంబ సభ్యుల ఆరోపణలు
మూడు నెలల క్రితం అమూల్య శ్రీ ఆత్మహత్య కేసులో మహేష్ను సైదాబాద్ పోలీసులు అరెస్ట్ చేసి రిమాండ్కు తరలించారు కోర్టు నుంచి బెయిల్ మంజూరై బయటకు వచ్చిన కొద్దిరోజులకే ఈ ఘటన చోటుచేసుకుంది. మహేష్ కుటుంబ సభ్యులు పోలీసుల విచారణపై తీవ్ర ఆరోపణలు చేశారు. అమాయకుడైన తమ కుమారుడిపై తప్పుడు కేసు బనాయించారని, జైలు జీవితం వల్ల సమాజంలో తలెత్తుకోలేక, తీవ్ర మనస్తాపంతోనే ఆత్మహత్య చేసుకున్నాడని వారు వాపోతున్నారు.
పోలీసుల దర్యాప్తు పురోగతి
మృతదేహాన్ని స్వాధీనం చేసుకున్న పోలీసులు పోస్టుమార్టం కోసం ఉస్మానియా ఆసుపత్రికి తరలించి, అనుమానాస్పద మృతిగా కేసు నమోదు చేశారు. క్లూస్ టీమ్ సంఘటనా స్థలానికి చేరుకుని కీలక ఆధారాలు సేకరించింది.మహేష్ మొబైల్ ఫోన్, కాల్ రికార్డులను పోలీసులు క్షుణ్ణంగా విశ్లేషిస్తున్నారు.బెయిల్పై బయటకు వచ్చాక ఎవరైనా బెదిరింపులకు పాల్పడ్డారా, లేక కేసు విచారణ, శిక్ష పడుతుందన్న భయంతోనే అఘాయిత్యానికి పాల్పడ్డాడా అనే కోణాల్లో పోలీసులు దర్యాప్తు ముమ్మరం చేశారు.