Renukaswamy Case: దేశవ్యాప్తంగా సంచలనం సృష్టించిన చిత్రదుర్గ యువకుడు రేణుకాస్వామి హత్య కేసులో కన్నడ స్టార్ నటుడు దర్శన్ తూగుదీపకు న్యాయస్థానంలో భారీ ఎదురుదెబ్బ తగిలింది. ఈ కేసులో సహ నిందితుడిగా ఉన్న ప్రదోష్ (Pradosh) అప్రూవర్గా మారేందుకు దాఖలు చేసిన పిటిషన్ను బెంగళూరులోని 59వ సిటీ సివిల్ అండ్ సెషన్స్ కోర్టు (CCH) ఆమోదించింది.
దీంతో ప్రదోష్ ఇకపై ఈ కేసులో నిందితుడిగా కాకుండా, ప్రాసిక్యూషన్ (పోలీసుల) తరఫున కీలక సాక్షిగా మారి కోర్టులో వాంగ్మూలం ఇవ్వనున్నారు.
ప్రాసిక్యూషన్కు లభించిన కీలక బలం – ప్రదోష్ పాత్ర..
అప్రూవర్గా మారిన నేపథ్యంలో రేణుకాస్వామి హత్య ఎలా జరిగింది? కిడ్నాప్ నుంచి హత్య వరకు ఎవరెవరు ప్లాన్ చేశారు? దర్శన్, పవిత్ర గౌడల పాత్ర ఏమిటి? అనే పూర్తి నిజాలను ప్రదోష్ న్యాయస్థానం ఎదుట వెల్లడించాల్సి ఉంటుంది. విచారణ ప్రక్రియ పూర్తిగా ముగిసే వరకు ప్రదోష్ జ్యుడీషియల్ కస్టడీలోనే కొనసాగాలని న్యాయమూర్తి ఆదేశించారు.
ఒకవేళ విచారణ సమయంలో ప్రదోష్ అబద్ధాలు చెప్పినా లేదా కోర్టు నిబంధనలను ఉల్లంఘించినా ఆయనకు ఇచ్చిన అప్రూవర్ హోదా రద్దవుతుందని, తిరిగి హత్య కేసు నిందితుడిగానే విచారణ ఎదుర్కోవాల్సి ఉంటుందని న్యాయస్థానం స్పష్టం చేసింది.
దర్శన్కు ఉచ్చు బిగుస్తున్న వేళ – వ్యక్తిగత హాజరు పిటిషన్ కూడా తిరస్కరణ..
ఈ కేసులో దర్శన్కు న్యాయపరంగా వరుస ఎదురుదెబ్బలు తగులుతున్నాయి..
-
బలపడనున్న ప్రాసిక్యూషన్ వాదన: హత్యకు దారితీసిన పరిస్థితులు, కుట్ర కోణాన్ని స్వయంగా అందులో పాల్గొన్న వ్యక్తే సాక్ష్యంగా వివరిస్తుండటంతో.. ఆ వివరాలను ఫోరెన్సిక్ ఇంకా డిజిటల్ ఆధారాలతో పోల్చి ప్రాసిక్యూషన్ మరింత బలమైన వాదనలను వినిపించనుంది.
-
వ్యక్తిగత హాజరుకు కోర్టు నో: మరోవైపు, సాక్షుల క్రాస్ ఎగ్జామినేషన్ సమయంలో తనను కోర్టుకు స్వయంగా హాజరుపరిచేలా ఆదేశాలు ఇవ్వాలంటూ దర్శన్ దాఖలు చేసిన పిటిషన్ను సెషన్స్ కోర్టు న్యాయమూర్తి సుజాత ఎం. సంభ్రాణి కొట్టివేశారు. భద్రతా కారణాల దృష్ట్యా దర్శన్ కేవలం వీడియో కాన్ఫరెన్స్ (VC) ద్వారానే విచారణకు హాజరుకావాలని స్పష్టం చేశారు.
2024 జూన్లో నటి పవిత్ర గౌడకు సోషల్ మీడియాలో అసభ్యకర సందేశాలు పంపాడనే కోపంతో రేణుకాస్వామిని కిడ్నాప్ చేసి దారుణంగా హత్య చేసిన కేసులో దర్శన్, పవిత్ర గౌడ సహా పలువురు జైలులో విచారణను ఎదుర్కొంటున్నారు.