Chandrababu: ఆంధ్రప్రదేశ్లోని తీవ్ర కరువు ప్రాంతమైన పశ్చిమ ప్రకాశం ప్రజల మూడు దశాబ్దాల నిరీక్షణకు తెరపడింది. ఎన్నో ఏళ్లుగా ఎదురుచూస్తున్న ప్రతిష్టాత్మక పూల సుబ్బయ్య వెలిగొండ ప్రాజెక్ట్ (ఫేజ్-1) ను ఈ నెల 31న ముఖ్యమంత్రి నారా చంద్రబాబు నాయుడు ప్రారంభించి జాతికి అంకితం చేయనున్నారు.
ఈ సందర్భంగా 1996 మార్చి 5న ఉమ్మడి ఆంధ్రప్రదేశ్ ముఖ్యమంత్రిగా తానే శంకుస్థాపన చేసిన నాటి జ్ఞాపకాలను గుర్తుచేసుకుంటూ, ‘వెలిగొండ జలసిరులు – అభివృద్ధికి రెక్కలు’ శీర్షికతో సీఎం ‘ఎక్స్’ (ట్విట్టర్) వేదికగా భావోద్వేగ ట్వీట్ చేశారు.
10.7 టీఎంసీల నీటి విడుదల – లక్షలాది ఎకరాలకు సాగునీరు..
ప్రాజెక్ట్ ప్రారంభోత్సవంలో భాగంగా నల్లమల సాగర్కు 10.7 టీఎంసీల కృష్ణా జలాలను విడుదల చేయనున్నారు..
-
రెండు దశల్లో సాగునీటి విస్తరణ..
-
ఫేజ్-1 ద్వారా: 1.19 లక్షల ఎకరాలకు సాగునీటి సరఫరా.
-
ఫేజ్-2 ద్వారా: అదనంగా మరో 3.283 లక్షల ఎకరాలకు సాగునీరు అందనుంది.
-
-
ఫ్లోరైడ్ రక్కసికి చెక్: పశ్చిమ ప్రకాశం ప్రాంతాన్ని తరతరాలుగా వేధిస్తున్న ఫ్లోరైడ్ సమస్యకు చెక్ పెడుతూ.. ప్రతి ఇంటికీ కుళాయి కనెక్షన్ ద్వారా శుద్ధి చేసిన తాగునీరు అందించనున్నారు.
-
కృష్ణా జలాల పరవళ్లు: శ్రీశైలం ప్రాజెక్ట్ నుంచి నల్లమల కొండల మీదుగా మార్కాపురం చెన్నకేశవ స్వామి పాదాల చెంతకు కృష్ణమ్మ జలాలు చేరుకుని ఈ ప్రాంత దుర్భిక్షాన్ని తరిమికొట్టనున్నాయి.
రూ. లక్ష కోట్లతో హార్టికల్చర్ హబ్ – పారిశ్రామిక అభివృద్ధి ప్రణాళికలు..
కేవలం సాగునీటికే పరిమితం కాకుండా ఈ ప్రాంత సమగ్రాభివృద్ధికి ప్రభుత్వం భారీ ప్రణాళికలు సిద్ధం చేసింది..
-
రూ. 1 లక్ష కోట్ల పెట్టుబడులు: రాయలసీమతో పాటు ఉమ్మడి ప్రకాశం జిల్లాలను దేశంలోనే అతిపెద్ద హార్టికల్చర్ హబ్గా తీర్చిదిద్దేందుకు రూ. 1 లక్ష కోట్ల పెట్టుబడులతో త్వరలోనే పనులు ప్రారంభించనున్నారు.
-
లాజిస్టిక్స్ & పారిశ్రామిక కారిడార్: బెంగళూరు – అమరావతి గ్రీన్ఫీల్డ్ హైవే మరియు రామాయపట్నం పోర్టు అనుసంధానంతో ఈ ప్రాంతంలో పరిశ్రమలు, వాణిజ్యం వేగంగా విస్తరించి యువతకు విస్తృత ఉపాధి అవకాశాలు లభిస్తాయి.
ప్రతి రైతు పొలానికి నీరు.. ప్రతి యువకుడికి ఉపాధి.. ప్రతి కుటుంబానికి భరోసా కల్పించడమే తమ ప్రభుత్వ ప్రధాన సంకల్పం అని చంద్రబాబు స్పష్టం చేశారు.