Mudragada Daughter: కడసారి చూసేందుకు వచ్చిన కూతురు క్రాంతిపై తల్లి, బంధువుల ఆగ్రహం.. 5 నిమిషాల్లోనే పంపించేసిన పోలీసులు!

ప్రత్తిపాడు వద్దే అడ్డుకున్న పోలీసులు

ముద్రగడ పద్మనాభం బంధువులు, కుటుంబ సభ్యుల ముందస్తు విజ్ఞప్తి మేరకు పోలీసులు క్రాంతిని కిర్లంపూడి రాకుండా ప్రత్తిపాడు వద్దే అడ్డుకున్నారు. అయితే, తన తండ్రిని చివరిసారి చూసుకుంటానని ఆమె పోలీసులను బ్రతిమాలడంతో.. ఆమెతో వచ్చిన మిగతా అనుచరుల కార్లను పక్కన పెట్టేసి, కేవలం కుటుంబ సభ్యులను మాత్రమే సివిల్ డ్రెస్సులో ఉన్న పోలీసు భద్రత మధ్య కిర్లంపూడి నివాసానికి తీసుకెళ్లారు.

ఇంట్లో 10 నిమిషాల హైడ్రామా.. తల్లి కూడా దూరం పెట్టింది!

ఉదయం 7.55 గంటలకు క్రాంతి ముద్రగడ ఇంటికి చేరుకోగానే అక్కడ వాతావరణం ఒక్కసారిగా వేడెక్కింది.

• భౌతికకాయాన్ని తాకనివ్వలేదు: తండ్రిని కడచూపు చూసేందుకు ఫ్రీజర్ బాక్స్ దగ్గరకు వెళ్లిన క్రాంతిపై బంధువులు, అభిమానులు తీవ్ర ఆగ్రహం వ్యక్తం చేశారు. కనీసం తండ్రి భౌతికకాయం ఉన్న ఫ్రీజర్ బాక్స్‌ను కూడా ఆమెను తాకనివ్వలేదు.

• సొంత తల్లి హుకుం: బంధువులతో పాటు సొంత తల్లి కూడా కూతురిపై తీవ్రంగా మండిపడింది. “నీ వల్లే ముద్రగడ గారు ఎంతో మానసిక క్షోభ (బాధ) అనుభవించారు.. ఈ ఇల్లే నీ వల్ల నాశనమైంది, వెంటనే ఇక్కడి నుంచి వెళ్లిపో” అంటూ ఇంట్లో నుంచి పొమ్మని హుకుం జారీ చేసింది.

• రెండు నిమిషాలు కూడా ఉండనివ్వలేదు: కనీసం రెండు నిమిషాలు కూడా తండ్రి దేహం పక్కన కూతురిని ఉండనివ్వలేదు. అక్కడ గొడవ పెద్దదవుతుండటంతో పోలీసులు వెంటనే అలర్ట్ అయ్యి, ఉదయం 8.05 గంటల కల్లా (కేవలం 10 నిమిషాల వ్యవధిలోనే) క్రాంతిని సురక్షితంగా బయటకు తీసుకొచ్చి, కారు ఎక్కించి కిర్లంపూడి నుంచి పంపించేశారు.

తండ్రీకూతుళ్ల మధ్య గొడవకు కారణం ఏంటి?

ముద్రగడ పద్మనాభం బ్రతికున్నప్పుడే.. “నేను చనిపోయినా సరే, నా కూతురు నా ముఖం చూడటానికి రావడానికి వీల్లేదు” అని గట్టిగా చెప్పినట్లు బంధువులు పేర్కొన్నారు. ఇంతలా వారి బంధం తెగిపోవడానికి రాజకీయాలే కారణం..

1. పవన్ కళ్యాణ్‌కు మద్దతు: గత ఎన్నికల సమయంలో కాపు సామాజికవర్గానికి పవన్ కళ్యాణే నిజమైన నాయకుడని క్రాంతి బహిరంగంగా ప్రకటించారు. తండ్రి మాటను వ్యతిరేకించి, పవన్ కళ్యాణ్‌కు మద్దతుగా తునిలో జరిగిన రాజకీయ సభలో కూడా ఆమె పాల్గొన్నారు.

2. ఛాలెంజ్ మరియు పేరు మార్పు: అటు ముద్రగడ పద్మనాభం మాత్రం పిఠాపురంలో పవన్ కళ్యాణ్‌ను ఓడించి తీరుతానని, లేదంటే తన పేరు మార్చుకుంటానని శపథం చేశారు. ఎన్నికల్లో పవన్ కళ్యాణ్ ఘన విజయం సాధించడంతో, ముద్రగడ తన మాట ప్రకారం తన పేరును ‘పద్మనాభరెడ్డి’గా మార్చుకున్నారు.

ఈ రాజకీయ విభేదాల వల్ల తండ్రీకూతుళ్ల మధ్య సయోధ్య పూర్తిగా దెబ్బతింది. చివరికి తండ్రి చనిపోయిన తర్వాత కూడా బంధువులు, అభిమానుల ఆగ్రహం వల్ల క్రాంతి తన తండ్రికి కళ్లారా చూసి వీడ్కోలు కూడా పలకలేకపోయారు.