Ashu Reddy: సోషల్ మీడియాలో అషురెడ్డి పేరు కొన్నిరోజుల నుండి మారుమోగుతోంది పెళ్లి పేరుతో మోసం చేశారనే ఆరోపణలతో వార్తల్లో నిలుస్తున్న నటి అషురెడ్డికి తెలంగాణ హైకోర్టులో ఊరట లభించింది. తన వ్యక్తిగత ప్రతిష్టకు భంగం కలిగించేలా నిరాధారమైన వార్తలు ప్రసారం చేస్తున్నారంటూ ఆమె దాఖలు చేసిన పిటిషన్పై విచారణ చేపట్టిన ధర్మాసనం, మీడియా ఇంకా నెటిజన్లకు కీలక ఆదేశాలు జారీ చేసింది.
హైకోర్టు మధ్యంతర ఉత్తర్వులు
అషురెడ్డి పరువుకు భంగం కలిగించేలా ఉన్న కథనాలను, పోస్టులను ప్రసారం చేయకూడదని హైకోర్టు మధ్యంతర ఉత్తర్వులు జారీ చేసింది. ప్రస్తుతం ఈ కేసు న్యాయస్థానం పరిధిలో ఉన్నందున, తీర్పు రాకముందే నిరాధారమైన ఆరోపణలతో కంటెంట్ క్రియేట్ చేయడం సరికాదని అభిప్రాయపడింది.
ఇన్స్టా వేదికగా అషురెడ్డి స్పందన
న్యాయస్థానం ఆదేశాల అనంతరం అషురెడ్డి సోషల్ మీడియాలో ఒక సుదీర్ఘమైన పోస్ట్ పెట్టారు. అందులోని ముఖ్యాంశాలు:
-
నిరాధార కథనాలు: “గత కొద్ది రోజులుగా మీడియా, కంటెంట్ క్రియేటర్లు నాపై వాస్తవాలు తెలియకుండా కథనాలు ప్రసారం చేస్తున్నారు. ఇది నా ప్రైవసీకి భంగం కలిగిస్తోంది.”
-
కోర్టును గౌరవించండి: “నా పరువుకు భంగం కలిగించే వార్తలను ప్రసారం చేయొద్దని హైకోర్టు ఆదేశించింది. ప్రతి ఒక్కరూ న్యాయస్థానం ఉత్తర్వులను గౌరవించాలని కోరుతున్నాను.”
-
పోస్టుల తొలగింపు: అభ్యంతరకరంగా ఉన్న పాత పోస్టులను వెంటనే తొలగించాలని, కొత్తవి ప్రచురించకుండా సహకరించాలని ఆమె విజ్ఞప్తి చేశారు.
-
లీగల్ యాక్షన్: కోర్టు ఆదేశాలను బేఖాతరు చేస్తూ ఇంకా తప్పుడు ప్రచారాలు కొనసాగించే వారిపై కచ్చితంగా చట్టపరమైన చర్యలు ఉంటాయని హెచ్చరించారు.
కేసు నేపథ్యం
లండన్కు చెందిన ఎన్నారై ధర్మేంద్రను పెళ్లి చేసుకుంటానని నమ్మించి, రూ. 9.35 కోట్ల మేర ఆర్థికంగా మోసం చేశారన్న ఆరోపణలతో అషురెడ్డిపై హైదరాబాద్ సీసీఎస్ (CCS) పోలీసులు కేసు నమోదు చేసిన సంగతి తెలిసిందే. ఈ క్రమంలో మీడియాలో వస్తున్న వార్తలు తన కెరీర్ను, వ్యక్తిగత జీవితాన్ని దెబ్బతీస్తున్నాయని ఆమె హైకోర్టును ఆశ్రయించారు.