Monalisa Bhosle: ప్రయాగ్రాజ్ కుంభమేళాలో పూసలు అమ్ముకుంటూ రాత్రికి రాత్రే సోషల్ మీడియా స్టార్గా మారిన మోనాలిసా భోంస్లే గుర్తుంది కదా? అతి తక్కువ కాలంలోనే సెలబ్రిటీ హోదా సంపాదించుకున్న ఈ కుంభమేళా బ్యూటీ, తాజాగా తన ప్రియుడు ఫర్మాన్ ఖాన్ను వివాహం చేసుకుంది. కేరళలోని ఒక ఆలయంలో సన్నిహితుల సమక్షంలో వీరిద్దరూ ఒక్కటయ్యారు. ప్రస్తుతం వీరి పెళ్లి ఫోటోలు సోషల్ మీడియాలో విపరీతంగా వైరల్ అవుతున్నాయి.
అయితే ఈ పెళ్లి అంత సులభంగా ఏమీ జరగలేదు. మోనాలిసా, ఫర్మాన్ ఖాన్ గత ఏడాదిన్నర కాలంగా ప్రేమలో ఉన్నారు. వీరిద్దరూ పెళ్లి చేసుకోవాలని నిర్ణయించుకోగా, మోనాలిసా తండ్రి ఈ సంబంధానికి అడ్డు చెప్పారు. తన ప్రమేయం లేకుండా ఇంట్లోనే బలవంతంగా పెళ్లి చేసేందుకు ప్రయత్నిస్తున్నారని, తన కుటుంబం నుండి ప్రాణహాని ఉందని మోనాలిసా కేరళలోని తంబనూరు పోలీసులను ఆశ్రయించారు. రక్షణ కల్పించాలని కోరిన అనంతరం, ఆమె తన ప్రియుడిని పెళ్లాడారు.
పూసలు అమ్ముకునే స్థాయి నుండి నేడు టాలీవుడ్, మాలీవుడ్, బాలీవుడ్ సినిమాల్లో నటించే స్థాయికి మోనాలిసా ఎదిగారు. ఇప్పటికే ‘ది డైరీ ఆఫ్ మణిపూర్’, ‘నాగమ్మ’ వంటి సినిమాల్లో నటించిన ఆమె, తెలుగులో సాయి చరణ్ సరసన ‘లైఫ్’ అనే చిత్రంలో హీరోయిన్గా నటిస్తున్నారు. ఈ సినిమా ప్రస్తుతం షూటింగ్ జరుపుకుంటోంది. వెండితెరపై మెరవకముందే ఆమెకు ఇంతటి ఆదరణ లభించడం విశేషం.
మోనాలిసా కేవలం అందంతోనే కాదు, తన మంచి మనసుతోనూ అందరినీ ఆకట్టుకున్నారు. హీరోయిన్గా మారిన తర్వాత ఒక ఖరీదైన ఇల్లు కొనుగోలు చేసిన ఆమె, తన మొదటి రెమ్యూనరేషన్ మొత్తాన్ని తన సొంత గ్రామంలోని బాలికల పాఠశాల కోసం విరాళంగా ఇచ్చి అందరి ప్రశంసలు అందుకున్నారు. పెళ్లి తర్వాత కూడా మోనాలిసా సినిమాల్లో కొనసాగుతారా లేదా అన్నది వేచి చూడాలి.