Horoscope: ఈ రోజు గ్రహస్థితుల ప్రభావం వల్ల అన్ని రాశుల వారికి మిశ్రమ ఫలితాలు కనిపిస్తున్నాయి. కొందరికి ఆర్థిక జాగ్రత్తలు అవసరమవుతుండగా, మరికొందరికి శ్రమకు తగిన ఫలితం దక్కే సూచనలు ఉన్నాయి. కుటుంబం, ఉద్యోగం, ఆరోగ్యం, ప్రయాణాల విషయంలో అప్రమత్తంగా వ్యవహరించాల్సిన అవసరం ఉందని జ్యోతిష్యులు సూచిస్తున్నారు.
మేష రాశి వారికి పెట్టుబడుల విషయంలో తొందరపాటు నిర్ణయాలు నష్టాలకు దారితీసే అవకాశం ఉంది. శుభకార్యాల కారణంగా ఖర్చులు పెరుగుతాయి. ఆర్థిక విషయాల్లో సన్నిహితుల నుంచి ఒత్తిళ్లు ఎదురయ్యే సూచనలు ఉన్నాయి. అయితే చేపట్టిన పనుల్లో శ్రమ ఫలించి, వ్యాపారంలో లాభాలు కనిపిస్తాయి. ఉద్యోగులు పనులను సమయానికి పూర్తి చేయాలి. వృధా ఖర్చులను తగ్గించుకుంటే మేలు జరుగుతుంది. శ్రీ రుద్ర కవచ పారాయణం, సూర్య ధ్యానం శుభప్రదంగా ఉంటుంది.
వృషభ రాశి వారికి గౌరవ ప్రతిష్ఠల విషయంలో కొంత జాగ్రత్త అవసరం. పెద్దలు లేదా పై అధికారులతో మాటపడే పరిస్థితులు రావచ్చు. కొత్త పనులను తాత్కాలికంగా వాయిదా వేయడం మంచిదని సూచన. మానసికంగా దృఢంగా ఉంటారు. బంధుమిత్రులతో కలిసి కీలక నిర్ణయాలు తీసుకుంటారు. అధికారుల వైఖరి మిశ్రమంగా ఉన్నా, చివరకు పెద్దల సహకారం లభిస్తుంది. ఆంజనేయ స్వామి దర్శనం, శివ అష్టోత్తర నామ పారాయణ మేలు చేస్తాయి.
మిథున రాశి వారికి దూర ప్రయాణాలు, ఉన్నత విద్యకు సంబంధించిన విషయాల్లో ఆటంకాలు ఎదురయ్యే అవకాశం ఉంది. ఆశించిన ఫలితాలు రాక కొంత ఆందోళన చెందుతారు. అయినప్పటికీ చేపట్టిన పనుల్లో ఉత్సాహంగా ముందుకు సాగితే ఆటంకాలను అధిగమించగలుగుతారు. సమావేశాలు, చర్చలు, ప్రయాణాల్లో జాగ్రత్త అవసరం. కుటుంబ సభ్యులు, బంధుమిత్రుల సహకారం ముఖ్య కార్యాల్లో తోడ్పడుతుంది. ఇష్టదైవ స్తోత్రం, పరమేశ్వరారాధన శుభం కలిగిస్తాయి.
కర్కాటక రాశి వారికి ఆర్థిక విషయాల్లో నిరాశ కలిగే సూచనలు ఉన్నాయి. రుణభారం పెరిగే అవకాశం ఉండటంతో జాగ్రత్తగా వ్యవహరించాలి. సన్నిహితుల ఆరోగ్యం ఆందోళన కలిగించవచ్చు. అయితే ఆత్మీయుల సహాయంతో పరిస్థితులు మెరుగుపడతాయి. శత్రువులు మిత్రులవుతారు. ముఖ్యమైన కొనుగోళ్లు చేసే అవకాశం ఉంది. వేడుకలు ఆనందాన్ని ఇస్తాయి. వేంకటేశ్వర స్వామి దర్శనం, రుద్ర కవచ పారాయణ శుభప్రదం.
సింహ రాశి వారికి సమాజంలో పేరు ప్రతిష్ఠలు పెరిగే సూచనలు ఉన్నాయి. శుభకార్యాలు, విందు వినోద కార్యక్రమాల్లో పాల్గొంటారు. అయితే సమావేశాల్లో మాటపడే పరిస్థితులు రావచ్చు. వివాహ నిర్ణయాల విషయంలో పెద్దల వైఖరి కొంత ఆవేదన కలిగిస్తుంది. కీలక పదవుల విషయంలో ఆశాభంగం కలగవచ్చు. అయినప్పటికీ పెద్దల ప్రోత్సాహంతో లక్ష్యాలు సాధిస్తారు. శివ పంచాక్షరీ జపం మేలు చేస్తుంది.
కన్య రాశి వారికి ఉద్యోగ, వ్యాపారాలకు సంబంధించిన ప్రయాణాలు, చర్చల్లో ఆటంకాలు ఎదురయ్యే అవకాశం ఉంది. న్యాయ, బోధన, కళలు, రవాణా, రక్షణ రంగాల్లో ఉన్నవారు అనుకోని సమస్యలను ఎదుర్కొంటారు. చేపట్టిన పనుల్లో శ్రమ పెరుగుతుంది. కుటుంబ సభ్యుల సలహాలతో ముందుకు సాగితే మేలు జరుగుతుంది. బంధుమిత్రులతో స్వల్ప విభేదాలు రావచ్చు. ఆధ్యాత్మిక కార్యక్రమాలు, వేడుకలు మనసుకు ప్రశాంతతనిస్తాయి. దుర్గా స్తోత్రం, శివ అష్టోత్తర శతనామ పారాయణ శుభప్రదం.
తుల రాశి వారికి ప్రియమైన వారి ఆరోగ్యం కొంత కలవరపెడుతుంది. బీమా, పన్నులు, పెన్షన్కు సంబంధించిన వ్యవహారాల్లో అనుకోని చిక్కులు ఎదురయ్యే అవకాశం ఉంది. పెట్టుబడుల విషయంలో తొందరపాటు నిర్ణయాలు తీసుకోకపోవడం మంచిది. విలువైన వస్తువులు కొనుగోలు చేసే సూచనలు ఉన్నాయి. ఆరోగ్యం క్రమంగా మెరుగుపడుతుంది. వృత్తి, ఉద్యోగాల్లో మంచి ఫలితాలు లభిస్తాయి. ఒక శుభవార్త మనోధైర్యాన్ని పెంచుతుంది. సూర్యారాధన, పరమేశ్వరుని ఆరాధన శుభం కలిగిస్తాయి.
వృశ్చిక రాశి వారికి సన్నిహితుల వైఖరి మనస్తాపాన్ని కలిగించవచ్చు. వేడుకలు, సమావేశాల్లో అసౌకర్యం ఎదురయ్యే అవకాశం ఉంది. భాగస్వామి ప్రవర్తన బాధించవచ్చు. చేపట్టిన పనుల్లో స్వల్ప ఆటంకాలు ఎదురవుతాయి. శారీరక శ్రమ పెరుగుతుంది. ఆర్థిక విషయాల్లో తొందరపాటు తగదు. ఆరోగ్యంపై ప్రత్యేక శ్రద్ధ అవసరం. నవగ్రహ స్తోత్రం, రుద్ర కవచ పారాయణ శుభప్రదంగా ఉంటుంది.
ధనుస్సు రాశి వారికి ఆశించిన ఫలితాలు సాధించేందుకు ఎక్కువ శ్రమ అవసరం. సన్నిహితుల ఆరోగ్యం ఆందోళన కలిగించవచ్చు. కాంట్రాక్టులు, అగ్రిమెంట్లలో చిన్న పొరపాట్లు నష్టాలకు దారితీయవచ్చు. అయితే చేపట్టిన పనుల్లో విజయసిద్ధి ఉంది. ఉద్యోగ, వ్యాపారాల్లో సహకారం లభిస్తుంది. మానసికంగా దృఢంగా ఉంటారు. శివ పంచాక్షరీ జపం, సూర్య స్తోత్రం మేలు చేస్తాయి.
మకర రాశి వారికి మిశ్రమ ఫలితాలు కనిపిస్తున్నాయి. ప్రియమైన వారి కోసం చేసే ఖర్చులు అంచనాలను మించవచ్చు. క్రీడలు, ఆడిటింగ్, టెలివిజన్ రంగాల వారు ఆర్థికంగా జాగ్రత్తగా ఉండాలి. విలువైన వస్తువుల కొనుగోళ్లలో అప్రమత్తత అవసరం. పనుల్లో ఆటంకాలు రాకుండా ఓర్పుతో ముందుకు సాగాలి. అనవసర భయాందోళనలకు దూరంగా ఉండాలి. నవగ్రహ ధ్యానం, రుద్ర కవచ పారాయణ శుభప్రదం.
కుంభ రాశి వారికి అనుకున్న పనులు పూర్తికాక నిరాశ కలగవచ్చు. కుటుంబ సమస్యల కారణంగా మనశ్శాంతి లోపిస్తుంది. రియల్ ఎస్టేట్, నిర్మాణ రంగాల్లో ఉన్నవారు ఆచితూచి నిర్ణయాలు తీసుకోవాలి. శారీరక శ్రమ పెరుగుతుంది. లక్ష్య సాధనకు ఇతరుల సహకారం అవసరం అవుతుంది. అనవసర ధనవ్యయం జరిగే సూచనలు ఉన్నాయి. అయితే కుటుంబ వ్యవహారాలు చివరికి ఆనందాన్ని ఇస్తాయి. శని ధ్యానం, శివ అష్టోత్తర శతనామ స్తోత్ర పారాయణ మేలు చేస్తాయి.
మీనా రాశి వారికి విద్యార్థులకు లక్ష్య సాధనలో ఆటంకాలు ఎదురయ్యే అవకాశం ఉంది. ప్రయాణాలు, చర్చలు, కీలక పత్రాలు, అగ్రిమెంట్ల విషయంలో జాగ్రత్త అవసరం. డ్రైవింగ్లో నిదానం పాటించాలి. అయితే వృత్తి, ఉద్యోగాల్లో అనుకూల పరిస్థితులు కనిపిస్తాయి. మంచి పనులు చేస్తారు. ఒక సమాచారం ఆనందాన్ని కలిగిస్తుంది. కీర్తి ప్రతిష్ఠలు పెరుగుతాయి. గోవింద నామ జపం, పరమశివుని ఆరాధన శుభప్రదంగా ఉంటుంది.