Cm chandrababu: ఆంధ్రప్రదేశ్ ముఖ్యమంత్రి చంద్రబాబు నాయుడు, సముద్రంలోకి వృథాగా పోతున్న గోదావరి జలాలపై కీలక వ్యాఖ్యలు చేశారు. రాష్ట్రాల మధ్య నీటి వివాదాలు అవసరమా? అని ప్రశ్నిస్తూ, మిగులు నీటిని సద్వినియోగం చేసుకోవడం అందరి ప్రయోజనమని చెప్పారు.
తూర్పుగోదావరి జిల్లా రాయవరం గ్రామంలో రైతులకు పట్టాదారు పాస్బుక్లు అందజేసిన అనంతరం జరిగిన సభలో సీఎం ప్రసంగించారు. గోదావరి జలాల వినియోగంపై ఆంధ్రప్రదేశ్–తెలంగాణల మధ్య జరుగుతున్న చర్చలు, అభ్యంతరాలు అనవసరమని వ్యాఖ్యానించారు. “నీళ్లు అందరికీ కావాలి, వివాదాలు ఎవరికీ ఉపయోగం కాదు” అని ఆయన స్పష్టం చేశారు.
పోలవరం ప్రాజెక్టు పూర్తయితే రెండు రాష్ట్రాలకు నీటి కొరత అనే మాటే ఉండదని చంద్రబాబు తెలిపారు. ప్రతి సంవత్సరం సముద్రంలోకి వృథాగా పోతున్న సుమారు 300 TMCల నీటిని ఉపయోగించగలిగితే కరవు సమస్యలు పూర్తిగా తొలగిపోతాయని అన్నారు. పోలవరం నుంచి విశాఖపట్నం వరకు, అక్కడి నుంచి వంశధార వరకు నీటిని పంపే ప్రణాళికను వివరించారు.
అంతేకాక, పట్టిసీమ ప్రాజెక్టు ద్వారా గోదావరి జలాలను కృష్ణా నదికి తరలించడం వల్ల రాయలసీమ ప్రాంతం హార్టికల్చర్ హబ్గా మారిందని గుర్తు చేశారు. తెలంగాణ కూడా పోలవరం పూర్తి అయితే మిగులు జలాలను సులభంగా వినియోగించుకోగలదని చెప్పారు.
సీఎం అభిప్రాయమేమిటంటే, నీరు రాష్ట్రాల కోసం పోటీ కాకుండా పంచుకునే వనరు కావాలి. వివాదాల్లో కాకుండా భవిష్యత్తు అవసరాల కోసం కలిసి పనిచేయాలని పిలుపునిచ్చారు.