CM Chandrababu: ఆంధ్రప్రదేశ్ ముఖ్యమంత్రి నారా చంద్రబాబు నాయుడు నేడు ఆధ్యాత్మిక పర్యటన నిమిత్తం ఉత్తరప్రదేశ్ వెళ్తున్నారు. పవిత్ర పుణ్యక్షేత్రం అయోధ్యలో కొలువైన బాలరాముడిని దర్శించుకోవడానికి ఆయన తన పర్యటనను కేటాయించారు. ఈ ఉదయం 9 గంటలకు హైదరాబాద్ నుంచి ప్రత్యేక విమానంలో బయలుదేరనున్న ముఖ్యమంత్రి, 11 గంటల సమయానికి అయోధ్య గడ్డపై అడుగుపెట్టనున్నారు. అయోధ్యకు చేరుకున్న వెంటనే ఆయన రామజన్మభూమి ఆలయానికి చేరుకుని, ఉదయం 11:30 గంటల నుంచి మధ్యాహ్నం 2:30 గంటల వరకు బాలరాముడి సన్నిధిలోనే గడపనున్నారు. దాదాపు మూడు గంటల పాటు ఆలయ ప్రాంగణంలోనే ఉండనున్న చంద్రబాబు, శ్రీరాముడికి ప్రత్యేక పూజలు నిర్వహించడమే కాకుండా ఆలయ విశేషాలను కూడా పరిశీలించనున్నారు.
Also Read: Divvela madhuri: మహిళల స్వేచ్ఛ అంటే బట్టలు విప్పుకుని తిరగడం కాదు
గతేడాది అయోధ్యలో జరిగిన రామమందిర ప్రాణ ప్రతిష్ఠ మహోత్సవానికి చంద్రబాబు హాజరైన విషయం మనందరికీ తెలిసిందే. అయితే ఆ వేడుక తర్వాత ఆయన మళ్ళీ అయోధ్యకు రావడం ఇదే తొలిసారి కావడంతో ఈ పర్యటన ప్రాధాన్యత సంతరించుకుంది. దర్శనం అనంతరం మధ్యాహ్నం 3 గంటలకు ఆయన అయోధ్య నుంచి నేరుగా విజయవాడకు ప్రయాణం అవుతారు. సాయంత్రం 5 గంటల కల్లా అమరావతి చేరుకుని ఉండవల్లిలోని తన నివాసానికి వెళ్లేలా షెడ్యూల్ ఖరారైంది.