Varun Chakaravarthy: దక్షిణాఫ్రికాతో ముగిసిన ఐదు మ్యాచ్ల T20 సిరీస్లో టీమిండియా స్పిన్నర్ వరుణ్ చక్రవర్తి మయాజాలం సృష్టించారు. తన అద్భుతమైన బౌలింగ్తో దక్షిణాఫ్రికా బ్యాటర్లను కంగుతినిపించిన ఆయన, భారత క్రికెట్ చరిత్రలో ఒక సరికొత్త రికార్డును తన పేరిట లిఖించుకున్నారు. ఒక ద్వైపాక్షిక (Bilateral) T20 సిరీస్లో భారత్ తరపున అత్యధిక వికెట్లు తీసిన బౌలర్గా వరుణ్ చరిత్ర సృష్టించారు.
గతంలో ఈ రికార్డు భారత వెటరన్ స్పిన్నర్ రవిచంద్రన్ అశ్విన్ పేరిట ఉండేది. 2016లో శ్రీలంకతో జరిగిన మూడు మ్యాచ్ల సిరీస్లో అశ్విన్ 9 వికెట్లు పడగొట్టగా, తాజా సిరీస్లో వరుణ్ చక్రవర్తి మొత్తం 13 వికెట్లు (ఐదు మ్యాచ్ల్లో) తీసి ఆ రికార్డును తిరగరాశారు. ఈ ఘనత ద్వారా ఒక సిరీస్లో అత్యధిక వికెట్లు తీసిన భారత బౌలర్ల జాబితాలో ఆయన అగ్రస్థానానికి చేరుకున్నారు.
ఇది కూడా చదవండి: India T20 World Cup 2026 Squad: నేడే భారత జట్టు ప్రకటన.. గిల్ ఫేట్ మారుతుందా? శాంసన్కు ప్రమోషన్ దక్కుతుందా?
ఈ సిరీస్ అంతటా వరుణ్ నిలకడగా రాణించారు. ముఖ్యంగా గెబెర్హాలో జరిగిన రెండో మ్యాచ్లో కేవలం 17 పరుగులిచ్చి 5 వికెట్లు తీసి తన కెరీర్ బెస్ట్ గణాంకాలను నమోదు చేశారు. దక్షిణాఫ్రికా వంటి వేగవంతమైన పిచ్లపై కూడా తన ‘మిస్టరీ స్పిన్’తో బ్యాటర్లను తికమక పెట్టడం విశేషం. ఆయన వేసిన గూగ్లీలను అర్థం చేసుకోవడంలో ప్రొటీస్ బ్యాటర్లు పూర్తిగా విఫలమయ్యారు.