50 Years Of Rajinikanth: భారతీయ చలన చిత్ర పరిశ్రమలో ‘తలైవా’గా, ‘సూపర్స్టార్’గా చెరగని ముద్ర వేసిన ఏకైక వ్యక్తి రజనీకాంత్. దాదాపు ఐదు దశాబ్దాల పాటు సాగిన ఆయన అద్భుతమైన సినీ ప్రస్థానం, కేవలం నటనకు మాత్రమే పరిమితం కాలేదు. తన స్టైల్, ఉత్కంఠభరితమైన స్టంట్స్, అంతకుమించి తెరపైనా, బయటా ఆయన చూపించే వ్యక్తిత్వం ప్రపంచవ్యాప్తంగా కోట్లాది మంది అభిమానులను ఉర్రూతలూగించింది. రజనీ సినిమా విడుదలవుతుందంటే.. ఆఫీసులకు సెలవులు ప్రకటించడం, విదేశాల నుంచి ప్రత్యేక విమానాల్లో అభిమానులు తరలిరావడం వంటివి మనం చూశాం. అయితే, తాజాగా ఆయన కోసం ఏకంగా ఒక ప్రముఖ దినపత్రిక తన పేరునే మార్చుకోవడం భారత మీడియా చరిత్రలోనే ఓ అపూర్వ ఘట్టం.
నూరేళ్ల చరిత్రలో తొలిసారి… ముఖచిత్రం రజనీకే!
నవంబర్ 19న, తలైవా సినీ ఇండస్ట్రీలో 50 ఏళ్లు పూర్తి చేసుకున్న సందర్భాన్ని పురస్కరించుకుని, ప్రముఖ ఆంగ్ల దినపత్రిక ‘హిందుస్థాన్ టైమ్స్’ చారిత్రాత్మక గౌరవాన్ని ప్రకటించింది. అమెజాన్ ప్రైమ్ వీడియో సహకారంతో, OTTplay భాగస్వామ్యంతో ఈ దినపత్రిక తన నూరేళ్ల చరిత్రలో తొలిసారిగా తొలి పేజీ (Masthead) పేరును మార్చి “రజనీకాంత్ టైమ్స్”గా ప్రకటించింది.
సాధారణంగా జాతీయ ప్రాముఖ్యత కలిగిన అంశాలకో, అరుదైన ఘట్టాలకో మాత్రమే కేటాయించే పత్రిక తొలి పేజీని, ఒక వ్యక్తికి పూర్తిగా అంకితం చేయడం యావత్ దేశం దృష్టిని ఆకర్షించింది. నవంబర్ 19 పత్రికను చూసిన పాఠకులు, రజనీకాంత్ అభిమానులు ఆశ్చర్యంతో పాటు అంతులేని ఆనందాన్ని వ్యక్తం చేశారు.
ఇది కూడా చదవండి: Bandi Sanjay: రాజమౌళి వ్యాఖ్యలపై స్పందించిన బండి సంజయ్
ప్రత్యేకత: పత్రికలోని సంప్రదాయక తీవ్రత స్థానంలో, రజనీకాంత్ స్టైల్కు, ఐదు దశాబ్దాల పాటు భారతీయ ‘పాప్ కల్చర్’ను ప్రభావితం చేసిన ఆయన వ్యక్తిత్వానికి అంకితమిస్తూ ఒక బోల్డ్ అండ్ విజువల్ ట్రిబ్యూట్ను ‘హిందుస్థాన్ టైమ్స్’ అందించింది. ఈ గౌరవం ముద్రణ మాధ్యమానికే పరిమితం కాకుండా, Fever FM రేడియో ద్వారా కూడా కోట్లాది మంది శ్రోతలకు చేరింది.
OTTplay సృష్టించిన వర్చువల్ ‘తలైవా’ మందిరం!
ఈ బృహత్తర కార్యక్రమం వెనుక OTTplay ప్రధాన పాత్ర పోషించింది. AI-ఆధారిత డిస్కవరీ ఇంజిన్తో 30కి పైగా OTT సేవలను అందిస్తున్న ఈ వేదిక, రజనీకాంత్ అభిమానుల కోసం ఒక ప్రత్యేక ప్రయత్నం చేసింది.
‘బాషా’, ‘ముత్తు’, ‘దళపతి’ వంటి ఎవర్ గ్రీన్ క్లాసిక్స్తో పాటు, ‘కబాలి’, ‘కాలా’, ‘పేట’, ‘జైలర్’, ‘వేట్టైయాన్’, ‘కూలీ’ వంటి ఆధునిక బ్లాక్బస్టర్లను ఒకే చోట చూసేందుకు OTTplay ఒక స్ట్రీమింగ్ వేదికగా నిలిచింది. రజనీకాంత్ సినీ జీవితంలోని అన్ని యుగాలను ఒకేచోట చేర్చి, అభిమానులకు అది ఒక వర్చువల్ ‘తలైవా’ మందిరాన్ని సృష్టించింది.
‘రజనీకాంత్ టైమ్స్’గా మారిన ఈ అద్భుతమైన మార్పు ద్వారా, భారతీయ సినిమాపై సూపర్ స్టార్ రజనీకాంత్ ప్రభావం ఎంతటిదో, ఆయనకున్న క్రేజ్ ఏ స్థాయిదో మరోసారి ప్రపంచానికి ఘనంగా చాటినట్లైంది. భారత మీడియా చరిత్రలో ఈ ఘట్టం చిరస్మరణీయంగా నిలిచిపోతుంది.
Beta feature